ფინანსთა მინისტრის მოადგილის, გიორგი კაკაურიძის თქმით, მთავრობამ პანდემიის დაწყებისთანავე დაიწყო მუშაობა ბიუჯეტის ხარჯვითი ნაწილის შემცირებაზე, რის შედეგადაც დაახლოებით, 600 მილიონამდე ლარი გამოთავისუფლდა.

მთავრობის ანტიკრიზისული გეგმის პრეზენტაციაზე მან წარმოადგინა სია, რომელი სამინისტროს ბიუჯეტი რამდენით შემცირდება:

  • ინფრასტრუქტურის სამინისტრო — 251 მილიონი ლარი;
  • განათლების სამინსტრო — 127 მილიონი ლარი;
  • თავდაცვის სამინისტრო — 75 მილიონი ლარი;
  • თბილისის ტრანსფერი — 35 მილიონი ლარი;
  • ეკონიმიკის სამინისტრო — 26 მილონი ლარი;
  • სოფლის მეურნეობის სამინისტრო — 15 მილიონი ლარი;
  • ფინანსთა სამინისტრო — 12 მილიონი ლარი;
  • შინაგან საქმეთა სამინისტრო — 10 მილიონი ლარი;
  • პარლამენტის ასიგნებები — 4 მილიონი ლარი.

კაკაურიძის თქმით, დანარჩენილ სამინისტროებსა და სააგენტოებს ბიუჯეტი შედარებით ნაკლებად შეუმცირდათ.

ფოტო: საქართველოს მთავრობა

"ამ შემცირებების გათვალისწინების სახელმწიფო ბიუჯეტის ნაერთი ნაწილი ჯამში იზრდება 4 მილიარდ 450 მილიონი ლარით და საბოლოო ჯამში, ბიუჯეტის მთლიანი ხარჯვითი ნაწილი, რაც პარლამენტს უნდა წარედგინოს, 15 მილიარდ 923 მილიონი ლარი იქნება", — თქვა გიორგი კაკაურიძემ.

მთავრობის მიერ წარდგენილი გეგმის თანახმად, 2020 წლის ანტიკრიზისული ბიუჯეტი 15 923 800 ლარი იქნება. გეგმა პარლამენტს დღეს გაეგზავნება.