საქართველოში ამერიკის შეერთებული შტატების საელჩოს განცხადებით, საელჩომ აშშ-ში მყოფ საქართველოს მოქალაქეების გაფრთხილება დაიწყო, რათა გადაამოწმონ რამდენი ხნით შეუძლიათ აშშ-ში დარჩენა.

"აშშ-ის საელჩომ დაიწყო აშშ-ში მყოფ საქართველოს მოქალაქეებთან დაკავშირება, რომლებმაც, შესაძლოა, ვიზის ვადას გადააცილეს, რათა მიაწოდოს ინფორმაცია იმის შესახებ, თუ როგორ გადაამოწმონ რამდენი ხნით შეუძლიათ დარჩენა და რა შედეგები შეიძლება მოჰყვეს ამ ვადის გადაცილებას.

აშშ-ის საბაჟო და საზღვრის დაცვის სამსახური (CBP) ქვეყანაში შესვლისას განსაზღვრავს, რამდენ ხანს აქვს მოქმედი ვიზის მფლობელს აშშ-ში დარჩენის უფლება," — ვკითხულობთ საქართველოში ამერიკის შეერთებული შტატების საელჩოს განცხადებაში.