ოფიციალურად დადასტურდა, რომ ჰელენა ბონემ კარტერს ვიხილავთ The White Lotus-ის მეოთხე სეზონში, რომლის მოქმედებაც საფრანგეთში ვითარდება.

ბონემ კარტერი დღეს ოფიციალურად გამოცხადებულ სამ ახალ მსახიობს შორისაა: მასთან ერთად სერიალს უერთდებიან კრის მესინა და მარისა ლონგი. მესინა ცნობილია როლებით სერიალებში: Sharp Objects, The Mindy Project, და ფილმით Julie & Julia, ხოლო ლონგი მოდელია და მსახიობად მხოლოდ ერთ მოკლემეტრაჟიან ფილმში აქვს მონაწილეობა მიღებული.

ფოტო: Getty Images

The White Lotus-ის მეოთხე სეზონის მოქმედება საფრანგეთში ვითარდება. ლოკაციებს შორის იქნება პარიზი, კანის კინოფესტივალი და ლუქს კლასის სასტუმრო Château de La Messardière სენ-ტროპეში.

"მეოთხე სეზონში მინდა ცოტა გავცდე 'კლდეებზე დამტვრეული ტალღების' ვიზუალურ ენას", — თქვა სერიალის შემქმნელმა მაიკ უაითმა შარშან.

HBO-ს შოუს მესამე სეზონმა, რომელიც 2025 წლის თებერვალში გამოვიდა, მაყურებლის ახალი რეკორდები დაამყარა და ემის 23 ნომინაცია მოიპოვა.

ჰელენა ბონემ კარტერი პრინცესა მარგარეტის როლში სერიალში The Crown

ფოტო: Netflix

მიუხედავად იმისა, რომ ჯერ არ არის ცნობილი, რომელი მსახიობები დაბრუნდებიან მეოთხე სეზონში (რადგან სეზონიდან სეზონში ხშირად ერთი და იგივე პერსონაჟებიც ჩნდებიან), ცნობილმა კომპოზიტორმა Cristóbal Tapia de Veer-მა უკვე განაცხადა, რომ უაითთან კონფლიქტის შემდეგ სერიალს აღარ დაუბრუნდება.

"მგონი, ჩვენი ბოლო ჩხუბი უკვე საბოლოო იყო", — თქვა მან შარშან The New York Times-თან — "ის ყველაფერზე 'არა'-ს ამბობდა".

ასევე ნახეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…