იურისტი ლევან ალაფიშვილი "ოცნების" ხელისუფლების მიერ "მოქალაქეთა პოლიტიკური გაერთიანებების შესახებ" ორგანულ კანონში პოლიტიკური პარტიის წევრობის შეზღუდვასთან დაკავშირებულ ცვლილებებს ეხმაურება. რომლის მიხედვითაც პირს, რომელიც დასაქმებულია ორგანიზაციაში, რომლის შემოსავლის 20%-ზე მეტი წლის განმავლობაში მიღებულია უცხოური ძალისგან, პოლიტიკური პარტიის წევრობა 8 წლის ეკრძალება.

ალაფიშვილი წერს, რომ "პარტიის წევრობა კონკრეტულ პირს მხოლოდ სასამართლოს გადაწყვეტილებით შეიძლება აეკრძალოს"

"პარტიის წევრობა აკრძალული აქვს მოსამართლეს, სამხედროს, პოლიციელს, უსაფრთხოების სამსახურის მოსამსახურეს — ასე წერია კონსტიტუციაში (მუხლი 23).

სწორედ ამიტომ იგივე არის გამეორებული "პარტიების კანონში" (მუხლი 10).

კანონით ვერ გაფართოვდება კონსტიტუციით მკაფიოდ დადგენილი აკრძალვა. ეს კონსტიტუციამ გამორიცხა.

პარტიის წევრობა კონკრეტულ (!) პირს მხოლოდ სასამართლოს გადაწყვეტილებით შეიძლება აეკრძალოს ჩადენილი (!) კანონდართვევისთვის (!) დანიშნულ სასჯელთან ერთად.

პარტიის წევრობის ზოგადი, წინასწარი აკრძალვა ეწინააღმდეგება კონსტიტუციის დანაწესს", — წერს ლევან ალაფიშვილი.