ექვსი ქალი, რომელმაც 2016 წლის არჩევნებში ამერიკის ისტორია შეცვალა

როგორც ხშირად ხდება ხოლმე, ამერიკის არჩევნები მრავალფეროვანი, დაძაბული და ბევრისთვის არაპროგნოზირებადი აღმოჩნდა. 9 ნოემბერს ამერიკამ ახალი პრეზიდენტი, დონალდ ტრამპი აირჩია და ამიერიდან 4 წლის განმავლობაში ის უხელმძღვანელებს ქვეყანას.

უნდა აღინიშნოს, რომ ეს არჩევნები მხოლოდ ტრამპის გამარჯვებით არ ყოფილა საინტერესო. 2016 წლის არჩევნების დროს ექვსმა ქალმა აშშ-ს ისტორიაში ახალი ჩანაწერი შექმნა.

1. ნევადამ ამერიკის სენატში პირველად აირჩია ლათინური წარმოშობის ადამიანი

კატერინა კორტეზი მექსიკური წარმოშობის ამერიკელია, რომლის ბაბუაც თავის დროზე მექსიკიდან გადავიდა ამერიკაში საცხოვრებლად. კატერინა ნევადაში მოპოვებული გამარჯვებით ამერიკის სენატის პირველი ლათინური წარმოშობის წევრი გახდა. კატერინა კორტეზმა სენატის არჩევნებში რესპუბლიკელი ჯო ჰეკი დაამარცხა.

2. კალიფორნიამ ამერიკის სენატში პირველი ინდოელი-ამერიკელი აირჩია

კამალა ჰარისი ინდოელი დედისა და იამაიკელი მამის შვილია. მან მნიშვნელოვანი მხარდაჭერა მოიპოვა კალიფორნიაში, როგორც პრეზიდენტი ობამას, ისე ვიცე-პრეზიდენტი ბაიდენის მხრიდან. არჩევნების შედეგების მიხედვით, კამალა ჰარისი პირველი ინდოელი ამერიკელია, რომელიც ამერიკის სენატში დაიკავებს ადგილს.

3. ფლორიდამ ამერიკის კონგრესში ვიეტნამელი ქალი კანდიდატი აირჩია

სტეფანი მერფი ვიეტნამელი ლტოლვილების შვილია, რომელიც ერთი წლიდან ამერიკაში ცხოვრობს. მის მშობლებს ომის გამო სამშობლოს დატოვება მოუხდათ, ახლა კი მათი შვილი ამერიკის კონგრესის პირველი ვიეტნამელი წევრი გახდა. მის კანდიდატურას მხარს უჭერდნენ ობამა და ბაიდენი.

4. ორეგონის შტატმა ლგბტ გუბერნატორი აირჩია

ორეგონის შტატი პირველია, რომელმაც გუბერნატორად ლგბტ თემის წარმომადგენელი აირჩია. ქეით ბრაუნი ღიად ბისექსუალია. მან საჯაროდ თავისი ორიენტაცია ჯერ კიდევ 90-იან წლებში განაცხადა.

5. ყოფილი ლტოლვილი სომალელი მუსლიმი ამერიკის საკანონმდებლო ორგანოში აირჩიეს

ილჰან ომარი მშობლებთან ერთად თორმეტი წლის ასაკში ჩავიდა ამერიკაში, როგორც ლტოლვილი, რომელიც სომალის სამოქალაქო ომს გამოექცა. ამის შემდეგ მან და მისმა ოჯახმა ოთხი წელი ლტოლვილთა თავშესაფარში გაატარეს. ილჰან ომარი ამერიკის საკანონმდებლო ორგანოში მოხვდა და ის პირველი სომალელი-ამერიკელია, ვინც ამ პოზიციას იკავებს.

6. ვაშინგტონმა პირველი ინდოელი-ამერიკელი აირჩია ამერიკის კონგრესის წარმომადგენლობით პალატაში

**Pramila Jayapal**

ფოტო: Elaine Thompson / AP

პრამილა ჯეიფალი პირველი ინდოელი ამერიკელია, რომელიც ამერიკის კონგრესის წარმომადგენლობით პალატაში იმუშავებს. ის ინდოეთში დაიბადა და თინეიჯერობის ასაკში ამერიკაში ემიგრანტად წავიდა. 9/11-ის შემდეგ, მან გახსნა საადვოკატო კომპანია, რომელიც იურიდიულ საკითხებში დახმარებას უწევდა ემიგრანტებსა და ლტოლვილებს.

ბოლო ამბები:

გირჩევთ