უნგრეთის პრემიერმინისტრმა ვიქტორ ორბანმა პარასკევს განაცხადა, რომ ის ისრაელის პრემიერმინისტრს, ბენიამინ ნეთანიაჰუს უნგრეთში მოიწვევს და გარანტიას იძლევა, რომ მის წინააღმდეგ სისხლის სამართლის საერთაშორისო სასამართლოს (ICC) დაკავების ორდერს არ შესარულებს.

"სისხლის სამართლის საერთაშორისო სასამართლო ერევა მიმდინარე პოლიტიკურ კონფლიქტში სამართლებრივი შენიღბვით, თუმცა პოლიტიკური მიზნებით, ეს არის თავისთავად არასწორი. ეს ახდენს საერთაშორისო სამართლის დისკრედიტაციას და შესაძლოა, ეს იყოს ცეცხლზე დამატებული ნავთი. ამიტომ სხვა არჩევანი არ არის, ამ გადაწყვეტილების არდამორჩილების გარდა. ასე რომ, დღეს მე მოვიწვევ ისრაელის პრემიერ-მინისტრს, ბატონ ნეთანიაჰუს ვიზიტით უნგრეთში და ამ მოწვევით მე მას ვაძლევ გარანტიას, თუ ის ჩამოვა, უნგრეთში სისხლის სამართლის საერთაშორისო სასამართლოს დადგენილებას არ ექნება ძალა და ჩვენ არ შევასრულებთ მის შინაარსს", – განაცხადა ორბანმა.

ICC-მ ხუთშაბათს ნეთანიაჰუს და მისი თავდაცვის ყოფილი ხელმძღვანელის, ისრაელის თავდაცვის ყოფილი მინისტრის, იოავ გალანტის და ასევე ჰამასის ლიდერის, იბრაჰიმ ალ-მასრის დაპატიმრების ორდერები, ღაზას კონფლიქტში სავარაუდო ომის დანაშაულებისა და კაცობრიობის წინააღმდეგ ჩადენილ დანაშაულებებისთვის გასცა.