50-ზე მეტ რუსულ ბანკს, 40 ფასიანი ქაღალდების რეგისტრატორს და ფინანსურ სექტორთან ასოცირებულ 15 თანამდებობის პირს შეერთებული შტატებმა ახალი სანქციები დაუწესა. ამის შესახებ აშშ-ის ფინანსთა დეპარტამენტის ვებ-გვერდზე საგარეო აქტივების კონტროლის ოფისის (OFAC) მიერ ხუთშაბათს, 21 ნოემბერს გამოქვეყნებულ შეტყობინებაზე დაყრდნობით DW წერს.

სანქციები შეეხო რუსულ გაზპრომბანკს, რომელიც უკვე სანქცირებულია დიდი ბრიტანეთისგან, კანადისგან, ავსტრალიისგან და ახალი ზელანდიისგან. გარდა ამისა, დაუწესდა შეზღუდვები BKS Bank-ს, Centrocredit-ს, DOM.RF-ს, Sinara-ს და მრავალ სხვა რუსულ ბანკებს.

OFAC-ის პუბლიკაციაში ასევე ნახსენებია რუსეთის ფედერაციის ცენტრალური ბანკის ათზე მეტი თანამშრომელი, რომლებიც სანქციების სიაში მოხვდნენ, მათ შორის რუსეთის ფედერაციის ცენტრალური ბანკის თავმჯდომარის ორი პირველი მოადგილე ვლადიმერ ჩისტიუხინი და დიმიტრი ტულინი.

გაზპრომბანკის წინააღმდეგ დაწესებულმა სანქციებმა შესაძლოა გავლენა მოახდინოს ევროპისთვის გაზის მიწოდებაზე

როგორც სააგენტო TASS უნგრეთის საგარეო საქმეთა სამინისტროს წარმომადგენელზე დაყრდნობით წერს, გაზპრომბანკის წინააღმდეგ დაწესებული სანქციები ხელს არ შეუშლის ქვეყანას "უზრუნველყოს საიმედო ენერგომომარაგება". საჭიროების შემთხვევაში, კონსულტაციები გაზპრომთან რუსეთიდან გაზის შემდგომი მიწოდების საკითხებზე.