საქართველოში სწრაფი ტესტების პირველი პარტია ჩამოვიდა

დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

საქართველოში სწრაფი ტესტების პირველი პარტია ჩამოვიდა. ამის შესახებ ჯანდაცვის მინისტრმა. ეკატერინე ტიკარაძემ, მარნეულში განაცხადა. მისივე ინფორმაციით, პირველ ეტაპზე ქვეყანაში ათასი სწრაფი ტესტი ჩამოვიდა, რომელიც მარნეულის მცხოვრებლებს გაუკეთდებათ.

მისი თქმით, აღნიშნული ტესტები პირველი ეტაპისთვის საშუალებას მისცემთ, რომ უფრო პაციენტების ნაკადების მართვისთვის გადაწყვეტილება უფრო შემოკლებულ მოკლებულ ვადებში მიიღონ.

"დღეს სწრაფი ტესტების პირველი პარტია ჩამოვიდა. ეს სწრაფი ტესტები იმ ტესტების მსგავსია, რომელიც საქართველოში აქამდე კეთდებოდა. თუმცა მათი დრო 6 საათის ნაცვლად შემცირებულია საათ-ნახევრამდე. ყველა ტესტი ჩამოტანილი არის აქ ადგილზე და ჩვენი სპეციალისტები გააგრძელებენ მუშაობას", — განაცხადა ტიკარაძემ.

მინისტრის თქმით, კვირის ბოლოს კიდევ სამი ათას ტესტს ელოდებიან, ჯამში კი ხელშეკრულება 200 ათასს სწრაფ ტესტზე აქვთ გაფორმებული.

საქართველოში კორონავირუსის 75 დადასტურებული შემთხვევაა, მათგან 5-ის შესახებ დღეს, 25 მარტს გახდა ცნობილი. ამასთან, უკვე გამოჯანმრთელებულია 10 პაციენტი, კარანტინის რეჟიმში — 4 055 ადამიანი იმყოფება, სტაციონარში მეთვალყურეობის ქვეშ — 252.

კორონავირუსის გავრცელების გამო ქვეყანაში საგანგებო მდგომარეობაა გამოცხადებული და სხვადასხვა აკრძალვებია დაწესებული, მათ შორის აკრძალულია 10-ზე მეტი ადამიანის შეკრება.

მას შემდეგ, რაც გაირკვა, რომ მარნეულში ინფიცირებულ პირს, ათეულობით ადამიანთან ჰქონდა კონტაქტი, საკოორდინაციო უწყებათაშორისი საბჭოს გადაწყვეტილებით, მარნეულისა და ბოლნისის რაიონებში მკაცრი საკარანტინო რეჟიმი გამოცხადდა. ჩაიკეტა ორივე რაიონის შესასვლელი, რომელსაც სამხედროები და შსს-ს თანამშრომლები აკონტროლებენ. ასევე, გაიშალა საველე ჰოსპიტლები.

ჯანდაცვის სამინისტროს დაევალა, მარნეულსა და ბოლნისში დაიწყოს ტესტირების სპეციალური პროგრამა.

გარდა ამისა, მთავრობის გადაწყვეტილებით, საქალაქთაშორისო გადაადგილება აიკრძალა ყველა სახის ტრანსპორტით, გარდა პირადი ავტომობილებისა. თბილისის მერიის გადაწყვეტილებით კი შეზღუდვები დაწესდა ტაქსებზე. კერძოდ, მხოლოდ 2 მგზავრის გადაყვანა შეიძლება უკანა სავარძლებზე და ფანჯრები უნდა იყოს ღია.

23 მარტს ცნობილი გახდა, რომ მთავრობის განკარგულებით, საქართველოს ავიახაზები 2 კვირის განმავლობაში მსოფლიოს 6 ქალაქიდან ჩამოიყვანს მგზავრებს. მთავრობის მოთხოვნით, ბილეთის ფასი არ უნდა აღემატებოდეს €199-ს.

ნახეთ ფრენების განრიგი

საგანგებო მდგომარეობის გამოცხადებამდეც, მთავრობას კორონავირუსის პრევენციისთვის დაწესებული ჰქონდა არაერთი შეზღუდვა. კერძოდ:

მუშაობა შეწყვიტა ყველა სავაჭრო ობიექტმა სასურსათო მაღაზიების, სააფთიაქო და საფოსტო ქსელების, ბენზინგასამართი სადგურებისა და ბანკების გარდა;
აიკრძალა სამარშრუტო ტაქსების გადაადგილება;
საზღვარი დაკეტილია ყველა უცხო ქვეყნის მოქალაქისთვის;
საჰაერო მიმოსვლა შეწყდა ყველა კომპანიისთვის საქართველოს ავიახაზების გარდა;
ყველას, ვინც საქართველოს საზღვარს გადმოკვეთს, კარანტინში გაუშვებენ;
საჯარო დაწესებულებების ნაწილმა, მათ შორის, შსს-ს მომსახურების სააგენტომ და იუსტიციის სახლმა მომსახურებები შეზღუდა;

გარდა ამისა, როგორც კერძო, ისე საჯარო სექტორს მიცემული აქვს რეკომენდაცია დისტანციურ მუშაობაზე. 70 წელზე ზევით მოხუცებს კი თვითიზოლაცია ურჩიეს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე:

კარანტინის რეჟიმში — 4 055 ადამიანი იმყოფება, სტაციონარში მეთვალყურეობის ქვეშ — 252.

ნახეთ ფრენების განრიგი

მუშაობა შეწყვიტა ყველა სავაჭრო ობიექტმა სასურსათო მაღაზიების, სააფთიაქო და საფოსტო ქსელების, ბენზინგასამართი სადგურებისა და ბანკების გარდა;
აიკრძალა სამარშრუტო ტაქსების გადაადგილება;
საზღვარი დაკეტილია ყველა უცხო ქვეყნის მოქალაქისთვის;
საჰაერო მიმოსვლა შეწყდა ყველა კომპანიისთვის საქართველოს ავიახაზების გარდა;
ყველას, ვინც საქართველოს საზღვარს გადმოკვეთს, კარანტინში გაუშვებენ;
საჯარო დაწესებულებების ნაწილმა, მათ შორის, შსს-ს მომსახურების სააგენტომ და იუსტიციის სახლმა მომსახურებები შეზღუდა;