საქართველოში ყველა საქალაქთაშორისო ტრანსპორტი შეიზღუდა. ამის შესახებ გადაწყვეტილება უწყებათაშორის საკოორდინაციო საბჭოზე, დღეს, 23 მარტს მიიღეს.

პრმიერ-მინისტრის პრესსპიკერის, ირაკლი ჩიქოვანის თქმით, შეზღუდვა შეეხება ყველა სახის საქალაქთაშორისო ტრანსპორტს, მათ შორის მატარებლით სამგზავრო გადაზიდვებს.

"ვზღუდავთ ყველა სახის საქალაქთაშორისო ტრანსპორტს, მათ შორის მატარებლით სამგზავრო გადაზიდვებს რკინიგზაზე და ეს შეზღუდვა ამოქმედდება, დღეს, დღის ბოლოს, 24:00 საათზე. გვესმის, რომ ეს არის ექსტრაორდინალური გადაწყვეტილება, მაგრამ ექსტრაორდინალური ვითარება მოითხოვს ექსტრემალურ გადაწყვეტილებას", — განაცხადა ჩიქოვანმა.

მთავრობის ადმინისტრაციაში On.ge-ს დაუზუსტეს, რომ შეზღუდვა არ ეხება კერძო ტრანსპორტით გადაადგილებას.