ბელარუსის პრეზიდენტმა, ალექსანდრე ლუკაშენკომ რუსეთის მიერ ბელარუსთან საზღვრის ჩაკეტვა გააკრიტიკა და თქვა, რომ კორონავირუსის გამო რუსეთის მიერ ატეხილი პანიკა ეკონომიკურ მდგომარეობას კიდევ უფრო დაამძიმებს. ამის შესახებ ინფორმაციას სააგენტო meduza ავრცელებს.

ლუკაშენკოს თქმით, ბელარუსი კორონავირუსს მშვიდად ებრძვის, რუსეთში კი კორონავირუსი მძვინვარებს.

"მთელ რუსეთში კორონავირუსი მძვინვარებს. ამიტომ, ვინ ვის უნდა ჩაუკეტოს საზღვარი, ეს რიტორიკული კითხვაა", — განაცხადა ლუკაშენკომ.

მოგვიანებით, კრემლის სპიკერმა, დიმიტრი პესკოვმა ჟურნალისტებს განუცხადა, რომ ყველა ქვეყანას აქვს უფლება, რომ კორონავირუსისგან დასაცავად ის ზომები მიიღოს, რასაც საჭიროდ ჩათვლის. პესკოვმა იმედი გამოთქვა, რომ რუსეთის პარტნიორები, განსაკუთრებით, კი უახლოესი მოკავშირე ბელარუსი მათ გადაწყვეტილებას გაგებით მოეკიდება.

ბოლო მონაცემებით, ბელარუსში კორონავირუსით ინფიცირების 36 შემთხვევაა დაფიქსირებული, რუსეთში კი — 66.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: