პარლამენტის ვიცე-სპიკერი ნინო წილოსანი ექსპრემიერის, ირაკლი ღარიბაშვილის ციხიდან გამოგზავნილ წერილებს გამოეხმაურა. წილოსანი ღარიბაშვილს "რიტორიკულ" კითხვას უსვამს, "თუ ამ დანაშაულს თავად აღიარებს — რეალურად ვინ ვის ჩაარტყა ზურგში დანა". მისი განმარტებით, ექსპრემიერის მიერ დანაშაულის აღიარებამ მმართველ პარტიას "ძალიან დიდი დარტყმა მიაყენა".

"ეს ადამიანი საკუთარი აღიარებით იხდის სასჯელს. თუ ამ დანაშაულს თავად აღიარებს, მაშინ კითხვა ისმის: რეალურად ვინ ვის ჩაარტყა ზურგში დანა. ამიტომ, ჩემი კითხვა რიტორიკულია და ალბათ, ყველაზე კარგად ამ ბრალდების გამჟღერებელი გაგვცემს პასუხს. მან აღიარა დანაშაული, რომელიც ძალიან დიდი დარტყმა იყო ჩვენი გუნდისთვის და თითოეული ჩვენგანისთვის," — განაცხადა წილოსანმა [IPN].

7 სექტემბერს ღარიბაშვილმა ციხიდან მე-6 წერილი გამოაქვეყნა, სადაც კვლავ ღალატსა და თავის დაცვის აუცილებლობაზე საუბრობს.

"აქვე, კიდევ ერთხელ შეგახსენებთ ყველას: მე არავის ვებრძვი – ზურგში დანა თქვენ ჩამარტყით… ახლა კი მე იძულებული ვარ დავიცვა ჩემი თავი და ჩემი ოჯახი ამ უსამართლობისა და სისასტიკისგან," — წერს ღარიბაშვილი მე-6 წერილში.

ირაკლი ღარიბაშვილის სხვა წერილები: