Dexter: Resurrection-ის მეორე სეზონის პრემიერა 30 ოქტომბერს, Paramount+-ზე შედგება. ეს კი იმას ნიშნავს, რომ ჩვენს ჰელოუინის განწყობაზე სერიული მკვლელები და აჩრდილები იზრუნებენ.

სერიალის ახალ თიზერში მთავარი პერსონაჟი, დექსტერ მორგანი, ოფთალმოლოგთან მხედველობის შემოწმებას გადის. ტესტირებისას დექსტერი ხედავს გამოსახულ სიტყვებსა და ციფრებს, მათ შორის მეორე სეზონის პრემიერის თარიღსა და სხვადასხვა ფრაზებს, მაგალითად — "ის დაბრუნდა". ამ კადრების პარალელურად კი ვხედავთ დექსტერს, რომელიც თავისი დანებით ერთობა.

ნახეთ თიზერი:

Dexter: Resurrection-ის მეორე სეზონში დექსტერ მორგანი ორ მკვლელს შორის აღმოჩნდება მომწყვდეული: ერთ-ერთის წარსული უამრავი ადამიანის მკვლელობას უკავშირდება, ხოლო მეორე — ახალგაზრდა სახეა, რომელიც ნიუ-იორკს სრულიად განსხვავებული მეთოდებით ატერორებს. ამავდროულად, დექსტერი კიდევ ერთ ახალ და მოულოდნელ მტერს — შუა ხნის კრიზისს ებრძვის. ხოლო სანამ მამა-შვილი თავის ყველაზე ბნელ ეტაპს უპირისპირდება, ჰარისონი სამართლიანობისთვის ბრძოლას განაგრძობს.

ახალი სეზონის პირველი ფოტოებიდან ირკვევა ისიც, რომ ჰარისონი საოჯახო საქმეს, სამართალდამცავთა სფეროს შეუერთდა — ის ახლა ნიუ-იორკის პოლიციის დეპარტამენტის ოფიცერია.

ფოტო: Paramount+