პატრიოტთა ალიანსის პოლიტიკური მდივანი, გოჩა თევდორაძე ამბობს, რომ თავისუფალი და დემოკრატიული არჩევნების ჩატარებას მხოლოდ საარჩევნო სისტემა არ განსაზღვრავს, რომელზეც ოპოზიცია და ხელისუფლება შეთანხმდა. მისი თქმით, აუცილებელია საარჩევნო გარემოც შეიცვალოს. პატრიოტთა ალიანსის აზრით, ადმინისტრაციული რესურსის უხეშად გამოყენება არჩევნების გაყალბებას იწვევს, რაც სისხლის სამართლის დანაშაული უნდა გახდეს.

"თუ 40%-ზე მეტი არ დასჭირდება ხელისუფლებას ან რომელიმე პარტიას, რომ უმრავლესობით მოვიდეს, თუ საარჩევნო გარემოს გაუმჯობესება არ მოხდება, ჩვენ მაშინ ამ კანონპროექტს მხარს არ დავუჭერთ", — თქვა გოჩა თევდორაძემ.

პატრიოტთა ალიანსი პრობლემას ხედავს ოლქების გადანაწილებაშიც. გოჩა თევდორაძემ აღნიშნა, რომ პატრიოტთა ალიანსის მიერ შეთავაზებული 135/15-ზე სისტემა ყველას აძლევდა საშუალებას ოლქები რეგიონალური პრინციპით გადანაწილებულიყო.

8 მარტს ოპოზიცია და მმართველი გუნდი საპარლამენტო არჩევნების 120/30-ზე სისტემით ჩატარებაზე შეთანხმდნენ. რაც იმას გულისხმობს, რომ 2020 წლის არჩევნებში პროპორციული სიით 120 დეპუტატი აირჩევა, მაჟორიტარულით კი — 30.

გაიგეთ მეტი: