პრემიერ-მინიტრის, გიორგი გახარიას განცხადებით, კორონავირუსის გავრცელების ასარიდებლად ამუშავდება ყველა საჭირო მექანიზმი. მათ შორის პრემიერი არ გამორიცხავს ირანთან ფრენების დროებით გაუქმებასაც.

"ეს იქნება ფრენების შეზღუდვა თუ სხვა, რაც საჭირო იქნება, ყველაფერს გავაკეთებთ. მიმდინარეობს მუდმივი მუშაობა, რომ ჯანდაცვის სამინისტრომ ეფექტურად განახორციელოს კონტროლი", — განაცხადა პრემიერმა.

მას შემდეგ, რაც ირანში კორონავირუსი გავრცელდა, დაავადებათა კონტროლის ცენტრის დირექტორმა, ამირან გამყრელიძემ განაცხადა, რომ სახელმწიფო სპეციალური ზომების მიღებაზე მუშაობს. მისი განმარტებით, ირანთან აქტიური მიმოსვლა გვაქვს ტურისტული და ბიზნესსაქმიანობის გამო, ამიტომ ვირუსის გავრცელების რისკი მეტია.

გუშინ, 22 თებერვალს საგარეო საქმეთა სამინისტრომ მოქალაქეებს მოუწოდა თავი შეიკავონ ირანში ფრენებისგან. ირანში მყოფ საქართველოს მოქალაქეებს, საჭიროების შემთხვევაში შეუძლიათ დაუკავშირდნენ თეირანში საქართველოს საელჩოს ცხელ ხაზზე:

  • +989352110274;
  • +989122997726;
  • +989108201041.

გაიგეთ მეტი: