კიევმა და დონბასმა ტყვეების გაცვლა დაიწყეს. ბოლო ორი წლის განმავლობაში უკრაინის ხელისუფლება და თვითგამოცხადებული ლუგანსკისა და დონეცკის სახალხო რესპუბლიკები ტყვეებს პირველად ცვლიან. მათ შორის იქნებიან დაჯგუფება ბერკუტის მებრძოლეები, რომლებსაც 2014 წელს მაიდანზე მოქალაქეების ჩაცხრილვაში ედებათ ბრალი.

უკრაინის პრეზიდენტის ადმინისტრაციის განცხადებით, ტყვეების გაცვლა დონბასთან, საკონტროლო-გამშვებ პუნქტთან ხდება. გავრცელებული ინფორმაციით, კიევმა 87 ადამიანი უნდა გადასცეს, ხოლო ლუგანსკმა და დონეცკმა — 55.

ორი წლის წინ კიევმა 73 პირის სანაცვლოდ სეპარატისტებს 233 დაკავებული გადასცა. გარდა ამისა, სექტემბერში რუსეთმა და უკრაინამ ერთმანეთს 35-35 დაკავებული გადასცეს.

უკრაინის აღმოსავლეთით შეიარაღებული კონფლიქტი 2014 წელს ყირიმის ანექსიისა და მაიდნის აქციების შემდეგ დაიწყო. კიევი და დასავლეთი მოსკოვს სეპარატისტების მხარდაჭერაში ადანაშაულებს.

ტყვეების გაცვლის შესახებ უკრაინის პრეზიდენტი ვოლოდიმირ ზელენსკი და რუსეთის პრეზიდენტი ვლადიმერ პუტინი 9 დეკემბერს პარისზში, ნორმანდიული ოთხეულის სამიტის ფარგლებში შეთანხმდნენ.