ნახეთ ბერლინის კედლის დანგრევის ისტორია ფოტოებში

1989 წელს ბერლინის კედელი გაიხსნა და მეორე მსოფლიო ომის შემდეგ, ევროპის ქალაქმა კიდევ ერთხელ დაიწყო ცხოვრება თავიდან.

როდესაც აღმოსავლეთ გერმანიაში მცხოვრებმა მღვდელმა და დისიდენტმა ვერნერ კრასჩელმა გაიგო, რომ ბერლინის კედელი გაიღო, დიდად არ სჯეროდა. თუმცა მეგობართან და შვილთან ერთად ადგილისკენ გაეშურა, რომ ისტორიული მოვლენა თავისი თვალით ენახა.

1989 წლის 9 ნოემბერი იყო. კრასჩელმა ყვითელი ვარტბურგის ფანჯარა ჩამოსწია და კედლის მცველს ჰკითხა:

"მესიზმრება, თუ ეს რეალურად ხდება?"

"გესიზმრება", — უპასუხა მცველმა.

აღმოსავლეთ ბერლინელებისთვის მართლაც სიზმარს ჰგავდა ის, რომ მათ თვალწინ იშლებოდა ჩაკეტილობის ცემენტის სიმბოლო, როგორც ათწლეულების უსიამოვნო იარა ქალაქის გულში.

საბოლოოდ მათ გაიაზრეს, რომ სიზმარი რეალობა იყო. ცივი ომის ყველაზე ყბადაღებული, შეიარაღებული საზღვარი ღამით გაიხსნა და მომავალ დღეებში დაინგრა.

ბერლინის კედლის ყველაზე პატარა მსხვერპლი 15 თვის ჰოლგერია, რომელიც 1971 წლის 22 იანვარს დაიღუპა. ის მაშინ გაიგუდა, როცა დედა პირზე ხელს აფარებდა და აჩუმებდა, რომ პოლიციელებს არ ეპოვათ. მშობლები დასავლეთ ნაწილში უსაფრთხოდ გადავიდნენ და ამის შემდეგ აღმოაჩინეს, რომ შვილი დაღუპული იყო.

გთავაზობთ ფოტოისტორიებს, რომლებმაც ბერლინთან ერთად მსოფლიო შეცვალა.

1. მუშები ბერნაუერის ქუჩაზე კედელს აგებენ, პოლიციელები კი აკვირდებიან. 1961 წელი

2. 1961 წლის მასობრივი დემონსტრაცია ბერლინის კედლის წინააღმდეგ

ფოტო: Terry Fincher / Mirrorpix / Getty Images

3. ბერლინელები ანგრევენ კედლის ნაწილს 1989 წლის 11 ნოემბერს, მცველები კი უყურებენ

4. ქალები მავთულხლართების მიღმა საუბრობენ. 1961 წლის აგვისტო

ფოტო: Patrice Habans / Paris Match / Getty Images

5. კედელი ჰყოფდა აღმოსავლეთ და დასავლეთ ბერლინს

ფოტო: Dominique Berretty / Gamma-Rapho / Getty Images

6. 19 წლის აღმოსავლეთ ბერლინელი პოლიციის ოფიცერი კონრად შუმანი დასავლეთ ნაწილში გადარბის. 1961 წლის 15 აგვისტო

7. როდესაც კედლის აგების შესახებ გაიგეს, აღმოსავლეთ ბერლინელები დასავლეთისკენ გაეშურნენ. მათ მიაქვთ ყველაფერი, რისი წაღებაც შეუძლიათ

8. ქალს, რომელიც 1964 წელს კედლის ქვეშ აგებულ საიდუმლო გვირაბში გარბის, ორი ახალგაზრდა კაცი ეხმარება

9. დასავლეთ ბერლინელები პიტერ ფეჩტერის მემორიალს აღმართავენ. ის 1962 წელს მცველებმა მოკლეს, როდესაც კედლიდან ქალაქის მეორე მხარეს გადასვლას ცდილობდა. პიტერი 18 წლის იყო

10. ამერიკული ტანკები ფრიდრიხშტრასში 1961 წელს

11. დასავლეთ ბერლინელები აღმოსავლეთის ბერლინის პოლიციელებს ეკამათებიან. 1986 წელი, ბერლინის კედლის აგებიდან 25 წლისთავი

ფოტო: Stiebing / ullstein bild / Getty Images

12. აღმოსავლეთ ბერლინი მავთულხლართების მიღმა, 1961 წელი

13. დასავლეთ ბერლინი კედლის აგების დასაწყისში

14. ბერლინის კედლის გახსნისას ათასობით ადამიანი მიაწყდა ისტორიულ ადგილს

ფოტო: Robert Wallis / Corbis / Getty Images

15. აღმოსავლეთ ბერლინელები დასავლეთ ნაწილში გადასვლას ზეიმობენ. 1989 წლის 13 ნოემბერი

16. საზეიმო გახსნის პარალელურად, მცველები კედელზე დგანან

ფოტო: Stephen Ferry / Liaison / Getty Images

17. ბერნაურის ქუჩაზე საზღვარი იხსნება

18. ომის შემდეგ გაყოფილი სასაფლაო ბერნაურზე

ბოლო ამბები:

გირჩევთ