2020 წლის მეთ გალას თემატიკა ოფიციალურად დაანონსდა და კემპის არც ისე მარტივი თემის შემდეგ, ვარსკვლავებსა და დიზაინერებს ახალი საფიქრალი აქვთ.

"დრო, მოდა და ხანგრძლივობა" — ესაა თემატიკა, რომელზე შექმნილ კოსტიუმებშიც დიზაინერებმა ფავორიტი ვარსკვლავები უნდა გამოაწყონ. ნიუ-იორკ ტაიმსი მეთ გალას ამ გადაწყვეტილებას ვირჯინია ვულფის ნოველების შინაარსს უკავშირებს. ასევე იმ თეორიებს, რომლებსაც მე-20 საუკუნის ფილოსოფოსი ანრი ბერგსონი ავრცელებდა.

ღონისძიების ორგანიზატორები ანა ვინტურთან ერთად წელს იქნებიან ლუი ვიტონის ნიკოლა ჟესკიერი, ემა სტოუნი, მერილ სტრიპი და ლინ-მანუელ მირანდა. ეს პირველი შემთხვევაა, როცა მერილ სტრიპი ღონისძიებას დაესწრება და ამასთან ერთად, ორგანიზატორის რანგში იქნება.

მეთ გალას 150-ე საიუბილეო ღონისძიება 2020 წლის 7 მაისს უცვლელ ადგილას, ნიუ-იორკის მეტროპოლიტენის მუზეუმში გაიმართება.

ამავე თემაზე: