ტოდ ფილიპსის გახმაურებული ფილმი Joker, კინოგაქირავებაში მიღწეულ წარმატებასთან ერთად, მსოფლიოს რამდენიმე ქვეყანაში პროტესტის გამოხატულების სიმბოლოდაც გადაიქცა.

ფილმი 3 ოქტომბრიდან გადის მსოფლიოს თითქმის ყველა ქვეყნის კინოთეატრებში. ის კომიქსის სამყაროს მნიშვნელოვან ცენტრში, გამოგონილ ქალაქ გოთემში სოციალური უთანასწორობის პრობლემების შესახებ მოგვითხრობს.

ამან კი ბოლო პერიოდში მსოფლიოს სხვადასხვა კუთხეში მიმდინარე საპროტესტო აქციების იმ მონაწილეების დაინტერესება გამოიწვია, რომლებიც სხვადასხვა ქვეყანაში არსებულ პოლიტიკურ, ეკონომიკურ თუ სოციალურ პრობლემებს აპროტესტებენ.

ვინც უკვე მოასწრო ჯოკერის ნახვა, ყველას ემახსოვრება, რომ ფილმის სიუჟეტშიც პროტესტის ნიშნად მოქალაქეები სწორედ ჯოკერის ნიღბის გამოყენებას იწყებენ.

ფოტო: Warner Bros.

სწორედ ამის შთაგონებით შესაბამისი ნიღბების ტარება და სახის მოხატვა დაიწყეს სხვადასხვა ქვეყანაში ამჟამად მიმდინარე საპროტესტო აქციებზეც:

ლიბანი

ჩინეთი

ამ ერთგვარი პერფორმანსით ჯოკერს უკვე ასევე ძალიან ცნობილი კომიქსის გმირზე გადაღებული ფილმს, V for Vendetta-ს ადარებენ.

ასევე იხილეთ: