ქართული ოცნების ლიდერი, გია ვოლსკი მთავარ არხს ნაციონალური მოძრაობას უწოდებს და ამ მიზეზით უარს ამბობს ინტერვიუს მიცემაზე. ჟურნალისტს იმ შეხვედრასთან დაკავშირებით ჰქონდა კითხვები, რომელიც პარტიის დამფუძნებელმა, ბიძინა ივანიშვილმა აქტივისტებთან გამართა.

"ნაცმოძრაობას ინტერვიუს არ ვაძლევ... [მთავარი არხი] იგივეა, რა... [ნიკა გვარამია] თვითონ არ უარყოფს... რა, გვარამიას არ უთქვამს არასდროს, რომ?.. თქვენ ჟურნალისტი არ ხართ, თქვენ ხართ ნაცმოძრაობის წარმომადგენელი, ფაქტია", — უთხრა გია ვოლსკიმ მთავარი არხის ჟურნალისტს.

დეპუტატი ამბობს, რომ არ იცის უცხადებს თუ არა პარტია ბოიკოტს მთავარ არხს.

On.ge-მ სცადა ამ საკითხზე საპარლამენტო უმრავლესობის წევრებისგან კომენტარის მიღება. პარტიის პრესსამსახურში გაუკვირდათ, რატომ დაინტერესდა On.ge მთავარი არხისთვის ბოიკოტის გამოცხადების საკითხით.