არასრუწლოვანს, რომელსაც პოლიციის მანქანის გატაცებაში ადანაშაულებენ, აღკვეთის ღონისძიების სახით პატიმრობა შეეფარდა. გადაწყვეტილება გორის სასამართლომ დღეს, 12 ივნისს მიიღო.

შსს-ს განცხადებით, 10 ივნისს გამთენიისას ალკოჰოლური თრობის ქვეშ მყოფმა არასრულწლოვანმა პოლიციის მანქანა გაიტაცა. მათი თქმით, მაღალი სიჩქარით მოძრავი მანქანა ავტომაგისტრალზე ფორდ ტრანზიტს შეეჯახა. მათივე თქმით, ბრალდებულმა მანქანა დატოვა და მიიმალა. სწორედ ამ მანქანის გადაღებისას მოხდა ინციდენტი პოლიციასა და ჟურნალისტს შორის.

მომხდარზე გამოძიება საქართველოს სისხლის სამართლის კოდექსის 178-ე მუხლის მე-3 ნაწილის "ე" ქვეპუნქტით მიმდინარეობს, რაც სატრანსპორტო საშუალების ძარცვას ნიშნავს. ამ მუხლით გათვალისწინებული დანაშაული ისჯება თავისუფლების აღკვეთით ვადით ხუთიდან რვა წლამდე.