ალაბამას შტატში ზოგიერთი ბრალდებულის მიმართ ქიმიური კასტრაცია დაიშვა. კანონპროექტს შტატის გუბერნატორმა, კეი აივიმ ორშაბათს, 10 ივნისს მოაწერა ხელი. კანონპროექტი რესპუბლიკელმა დეპუტატმა სტივ ჰერსტონმა წარადგინა.

კანონის მიხედვით, პირები, რომლებიც 13 წლამდე ბავშვთან სექსუალური ხასიათის დანაშაულისთვის არიან მსჯავრდებული, ვალდებული ხდებიან ვადამდე გათავისუფლებამდე ქიმიური კასტრაცია დაიწყონ. როგორც BBC წერს, აშშ-ში ალაბამა უკვე მეშვიდე შტატია, სადაც ქიმიური კასტრაცია დაიშვა.

მსჯავრდებულმა ქიმიური კასტრაცია ვადამდე გათავისუფლებამდე ერთი თვით ადრე უნდა დაიწყოს და სასამართლო გადაწყვეტს როდის შეწყვიტოს წამლების დალევა. ამასთანავე, მედიკამენტების ანაზღაურება მსჯავრდებულს მოუწევს.

აშშ ერთადერთი ქვეყანაა არაა, სადაც ზოგიერთ სექსუალურ დანაშაულზე მსჯავრდებულს ქიმიურ კასტრაციას უკეთებენ. 2011 წელს მსგავსი კანონი მიიღეს სამხრეთ კორეაში.

საქართველოში პედოფილების მიმართ ქიმიური კასტრაციის დაწესებას ბიზნესმენი ლეონიდ ჩერნოვეცკი ითხოვდა. შესაბამისი საკანონმდებლო წინადადება მან საქართველოს პარლამენტს წარუდგინა, თუმცა პარლამენტმა ჩერნოვეცკის წინადადება არ განიხილა.