შინაგან საქმეთა სამინისტრომ ძარცვის ბრალდებით, თბილისში 1 პირი დააკავა. ბრალდებულს 3-დან 5 წლამდე ვადით თავისუფლების აღკვეთა ემუქრება.

შსს-ს მტკიცებით, ბრალდებულმა თბილისში ერთ-ერთ მოქალაქეს ხელჩანთა, ფული და პირადი ნივთები გასტაცა.

"სამართალდამცველებმა ბრალდებული იმ დროს დააკავეს, როდესაც იგი ნაძარცვი ნივთებით შემთხვევის ადგილიდან მიმალვას ცდილობდა. პოლიციამ, დაკავებულის პირადი ჩხრეკისას, დაზარალებული მოქალაქის კუთვნილი საფულე, ფული და მობილური ტელეფონი ნივთმტკიცებად ამოიღო", — ნათქვამია შსს-ს განცხადებაში.

გამოძიება სისხლის სამართლის კოდექსის 178-ე მუხლის პირველი ნაწილით მიმდინარეობს, რაც ძარცვას გულისხმობს.