ჩერნობილის დასრულებამ ფანებში უკმარისობის განცდა შექმნა, თუმცა ამ სიცარიელის ამოსავსებად სერიალის სცენარისტი და პროდიუსერი კრეგ მეზინი თავისი საყვარელი ფილმების სიას გვთავაზობს, რომლებიც, მისი თქმით ჩერნობილის მოვლენების უფრო სიღრმისეულ გაცნობაში დაგვეხმარება.

მეზინმა თავის პირად ტვიტერის გვერდზე 7 ფილმის რეკომენდაცია ჩამოწერა, რომლებიც, მისი თქმით სერიალ ჩერნობილზე მუშაობისთვის შთაგონების წყარო იყო.

1. COME AND SEE

ფოტო: Come and See

Come and See-ს სიუჟეტურად ჩერნობილის კატასტროფასთან საერთო არაფერი აქვს და მეტიც, ტრაგედიამდეა შექმნილი. მიზეზი, რის გამოც მაზინმა ის ამ სიაში შეიყვანა, საბჭოთა ესთეტიკა და თემატიკის სიმძიმეა. ფილმი ნაცისტების მიერ ბელარუსის ოკუპაციას შეეხება.

COME AND SEE საბჭოთა კლასიკაა, რომელიც, ჩემი აზრით, ერთ-ერთი უდიდესი ფილმია ომის თემაზე. ნამუშევარი როგორღაც ახერხებს მაყურებელი ეკრანს მიაჯაჭვოს და არ მისცეს ყურადღების სხვა რამეზე გადატანის მიზეზი. მძიმე სანახავია, თუმცა მნიშვნელოვანი.

2. Chernobyl 3828

ფოტო: Sergei Zabolotnyy

ჩერნობილი 3828 2011 წელს გადაღებული უკრაინული დოკუმენტური ფილმია, რომელიც იმ ლიკვიდატორების შესახებ მოგვითხრობს, რომლებმაც აფეთქების შემდგომ, ჩერნობილის ყველაზე მეტად დაბინძურებული და საშიში ადგილები გაწმინდეს.

შემდეგია Chernobyl 3828, დოკუმენტური ფილმი ბიორობოტებზე... გრძელი და ნელი ბრძოლა სადგურის სახურავის გასაწმენდად. ეს ფილმი პრაქტიკულად ჩემი ბიბლია იყო, ტარაკანოვის თითქმის ყველა ინსტუქცია და სიტყვით გამოსვლა, რომელსაც სერიალის მეოთხე ეპიზოდში ვხვდებით, სიტყვა სიტყვით არის გადმოტანილი მისი ნამდვილი ტექსტებიდან.

3. Chernobyl - The Severe Days...

რუსი რეჟისორის, ვლადიმირ შევჩენკოს 1986 წელს გადაღებული ეს შემაძრწუნებელი ფილმი მოვლენების ეპიცენტრს გვიჩვენებს. თავად რეჟისორისთვის რადიაციისგან მიყენებული ზიანი იმდენად დიდი აღმოჩნდა, რომ ის მოგვიანებით გარდაიცვალა.

Chernobyl - The Severe Days... ვლადიმირ შევჩენკოს დოკუმენტური ფილმი. როგორც 3828, ესეც ლიკვიდაციაზეა კონცენტრირებული... და აქ მაღაროელების შესანიშნავ კადრებს ვხვდებით. პირველად აქ შევამჩნიე ხელით ნაწერი ნიშანი, რომელიც მათ 24/7-ზე მუშაობისკენ მოუწოდებდა.

4. The Voice of Lyumdilla

Voice of ludmila

Voice of ludmila

The Voice of Lyumdilla შვედური დოკუმენტური ფილმია, რომელიც ლუდმილა იგნატენკოს გარშემო ტრიალებს. აქ მაყურებელი მისი თვალით დანახულ კატასტროფას ნახავს და მოისმენს.

The Voice of Lyumdilla - ეს არის შვედური დოკუმენტური ფილმი ლუდმილა იგნატენგოზე, რომელიც არაჩვეულებრივად გადაიღო გუნარ ბერგდაჰლმა. აქ ყველაფერი ლუდმილას (და მისი შვილის!) შესახებაა, თქვენ მოისმენთ ამბებს პირდაპირ მისგან. ის პრიპიატშიც კი ბრუნდება, სადაც ვასილისთან ერთად ცხოვრობდა.

5. Surviving Disaster

ფოტო: BBC

Surviving Disaster 2009 წელს გადაღებული ბიბისის სერიალია, სადაც ერთი ეპიზოდი ჩერნობილის კატასტროფას ეთმობა.

Surviving Disaster - ბიბისის ფილმია, რომელშიც ვალერი ლეგასოვის როლს ეიდ ედმონდსონი თამაშობს. ეს ჩვენი სერიალისგან (ჩერნობილი) რაღაც განსხვავებულ ატმოსფეროს ქმნის, მაგრამ მე ვფიქრობ, რომ შესანიშნავია.

6. Zero Hour

ფოტო: Discovery Channel

2013 წლის ეს ბრიტანული ტელესერიალი ადამიანის გამოისობით მომხდარ ტრაგიკულ კატასტროფებს ეძღვნება. ერთ-ერთი სერია კი, გასაკვირი არ არის, რომ ჩერნობილის მოვლენებს მოგვითხრობს.

Zero Hour დრამატიზებული დოკუმენტური ფილმია, რომელიც Discovery Channel-მა გადაიღო. აღსანიშნავია, თუ როგორ იყენებენ რუსულად მოლაპარაკე მსახიობებს და სუბტიტრებს. მსახიობი, რომელიც დიატლოვს თამაშობს ძალიან კარგია, რაღაცნაირად შეპყრობილი ვარ მისით.

7. Seconds From Disaster

ფოტო: Getty

Seconds From Disaster 2004 წელს დაწყებული ბრიტანულ-ამერიკული ტელეშოუა, რომელიც ასევე ადამიანებისგან გამოწვეულ კატასტროფებს იძიებს.

Seconds From Disaster ესეც მორიგი დრამატიზებული დოკომენტური ფილმია, რომელიც National Geographic-მა გადაიღო. Zero Hour-ზე უფრო გრძელია, მაგრამ უფრო ფართო აუდიტორიაზე გათვლილი.