ეკონომიკის ყოფილი მინისტრი გიორგი ქობულია აცხადებს, რომ საპარტნიორო ფონდი არაეფექტურია და მისი შედეგიანობა დაბალია. მანამდე ქობულიამ აღნიშნა ისიც, რომ სახელმწიფო კომპანიები ნეპოტიზმისა და მიკერძოებული გარიგებების ბუდეა.

"ინვესტიციების მოზიდვისა და სტიმულირების პროგრამები არაეფექტურია და ფრაგმენტირებულია ეკონომიკის სამინისტროს საპარტნიორო ფონდში. მისი სტრატეგია და მუშაობის პრინციპები არ არის ჩამოყალიბებული და შედეგიანობაც საკმაოდ დაბალია", — განაცხადა ყოფილმა მინისტრმა პარლამენტში დეპუტატებთან შეხვედრისას.

ქობულისთან შეხვედრის შემდეგ ქართული ოცნებიდან წამოსულმა დეპუტატმა, ლევან კობერიძემ განაცხადა, რომ დარგობრივი ეკონომიკის სხდომაზე საპარტნიორო ფონდის ხელმძღვანელს მიიწვევენ. მისი თქმით, აქამდეც ქონდა დიდი ხანია მოითხოვენ ფონდის ხელმძღვანელის, დავით საგანელიძის პარლამენტში მისვლას და ახლა ამ საკითხს კომიტეტზე უფრო მკაფიოს დააყენებენ.

საპარტნიორო ფონდმა 2017 წელს 441 მილიონზე მეტი ზარალით დაასრულა. მაშინ, როცა ამ წელს ფონდის ხელმძღვანელმა, დავით საგანელიძემ თანამდებობრივ სარგოდ 300 ათას ლარამდე აიღო (თვეში 24 500 ლარი). ფისკალური რისკების ანალიზში ვკითხულობთ, რომ უარყოფითი მაჩვენებლის ძირითადი მიზეზი საქართველოს რკინგზის 354 მილიონიანი ზარალია. სულ სახელმწიფო 68 კომპანიამ 2017 წელი 562,937 მლნ ლარის ოდენობის ზარალით დაასრულა.