თბილისის ექვს ქუჩას 9 აპრილს მოკლული ექვსი ქალის სახელი მიენიჭება. აღნიშნულ საკითხს დედაქალაქის საკრებულო დღეს, 9 აპრილს განიხილავს. როგორც თბილისის საკრებულოში აცხადებენ, განხილვას დაღუპულთა ოჯახის წევრები დაესწრებიან.

ქალების სახელი მიენიჭება ქუჩებს:

  • ჩუღურეთის რაიონში, ალექსანდრე ყანჩელის ქუჩასთან მდებარე უსახელო ქუჩას დაღუპული მზია ჯინჭარაძის სახელი მიენიჭება;
  • ჩუღურეთის რაიონში, რეხის I ქუჩის მონაკვეთს თამუნა დოლიძის სახელი მიენიჭება;
  • ჩუღურეთის რაიონში, რეხის I ქუჩის მონაკვეთს დაღუპული თინა ენუქიძის სახელი მიენიჭება;
  • ჩუღურეთის რაიონში, რეხის II ქუჩას დაღუპული მანანა ლოლაძის სახელი მიენიჭება, ასევე, რეხის III ქუჩის მონაკვეთს მანანა ლოლაძის I ჩიხის სახელი მიენიჭება;
  • ჩუღურეთის რაიონში, რეხის შესახვსა და მასთან მდებარე უსახელო ქუჩას დაღუპული ელისო ჭიპაშვილის სახელი მიენიჭება;
  • ჩუღურეთის რაიონში, მახათას აღმართთან მდებარე უსახელო ქუჩას დაღუპული თამარ მამულაშვილის სახელი მიენიჭება.

30 წლის წინ 1989 წლის 9 აპრილს საბჭოთა არმიამ 10 000-იანი მიტინგი დაარბია. სადამსჯელო ღონისძიებებს 21 ადამიანის სიცოცხლე ემსხვერპლა, მათგან 17 ქალი და სამი არასრულწლოვანი იყო. იმდროინდელ ბეჭდურ გამოცემებთან ინტერვიუში აქციის მონაწილეები იხსენებენ, რომ ჯარისკაცები ყველაზე აგრესიულები ორსულების და მოხუცების მიმართ იყვნენ. 9 აპრილი საქართველოს ისტორიაში ორ მნიშვნელოვან მოვლენას აერთიანებს — 1989 წლის ტრაგედიასა და ბრძოლით მიღწეულ შედეგს — 1991 წელს დამოუკიდებლობის აღდგენას.

ამავე თემაზე: