უკრაინის პრემიერმინისტრი დენის შმიგალი თავდაცვის მინისტრად გადაინაცვლებს. მას პრემიერის პოსტზე ეკონომიკის მინისტრი და ვიცეპრემიერი იულია სვირიდენკო შეცვლის. საკადრო ცვლილებებზე გადაწყვეტილება უკრაინის პრეზიდენტმა, ვოლოდიმირ ზელენსკიმ მიიღო. ინფორმაციას Reuters ავრცელებს.

"დენის შმიგალის დიდი გამოცდილება, რა თქმა უნდა, ფასდაუდებელი იქნება უკრაინის თავდაცვის მინისტრის თანამდებობაზე. სწორედ ეს არის სფერო, სადაც ამჟამად ქვეყნის მაქსიმალური რესურსები, მაქსიმალური ამოცანები და დიდი პასუხისმგებლობაა კონცენტრირებული," — განაცხადა ზელენსკიმ თავის საღამოს ვიდეომიმართვაში.

აღსანიშნავია, რომ როდესაც ვოლოდიმირ ზელენსკიმ ეკონომიკის მინისტრ იულია სვირიდენკოს უკრაინის მთავრობის ხელმძღვანელობა შესთავაზა, პრემიერმინისტრ დენის შმიგალის გადადგომის შესახებ ინფორმაცია ჯერ არ იყო გავრცელებული.

"მე იულია სვირიდენკოს შევთავაზე უკრაინის მთავრობის ხელმძღვანელობა და მისი მუშაობის მნიშვნელოვნად განახლება. უახლოეს მომავალში ახალი მთავრობის სამოქმედო პროგრამის წარდგენას ველოდები," — განაცხადა ზელენსკიმ.

ასევე იხილეთ: