"ეს იყო ბიძინა ივანიშვილის მიერ ორგანიზებული პოლიტიკურად მოტივირებული კამპანიის უახლესი ესკალაცია" — ამის შესახებ გიორგი ბაჩიაშვილის ამერიკელმა ადვოკატმა რობერტ ამსტერდამმა განაცხადა და აღნიშნა, რომ ამ ფაქტის შესახებ საერთაშორისო ინსტიტუციებს აცნობებს.

"ციხეში სასტიკად სცემეს ქართველ პოლიტპატიმარ გიორგი ბაჩიაშვილს. მიუხედავად იმისა, რომ იგი სამარტოო საკანში, ვიდეომეთვალყურეობის ქვეშ იმყოფებოდა, 2025 წლის 11 ივლისის საღამოს, ციხის ადმინისტრაციამ ბაჩიაშვილის საკანში უცნობი კაცი შეუშვა. მან სასტიკად სცემა ბაჩიაშვილს, რომელმაც გონება დაკარგა მას შემდეგ, რაც კაცმა ისე ძლიერად უკბინა, რომ სისხლი წამოუვიდა. ცემის დროს დაცვის თანამშრომელმა კარი გააღო, მაგრამ თავდამსხმელის ბრძანებით ისევ დახურა. ბაჩიაშვილს სერიოზული დაზიანებები აღენიშნებოდა, მათ შორის თავის ჭრილობა, რომელიც ნაკერების დასმის საჭიროებას წარმოადგენდა, სახის ტრავმა, ჭრილობები და ნევროლოგიური აშლილობა.

ბაჩიაშვილი სამედიცინო კლინიკაში გადაიყვანეს, მაგრამ ადვოკატებთან და ოჯახთან დაკავშირებაზე უარი უთხრეს. იგი გააფრთხილეს, რომ იურიდიულ ჯგუფთან მისი დაკავშირება სამკურნალო მომსახურების შეწყვეტას გამოიწვევდა. სანამ შიმშილობას არ გამოაცხადა და სახალხო დამცველის ცხელ ხაზზე არ მოხვდა, მასთან კონტაქტი 24 საათზე მეტი ხნის განმავლობაში ვერ ხერხდებოდა.

თბილისის ცნობილ გლდანის ციხეში მომხდარი ეს სასტიკი თავდასხმა შემთხვევითი არ ყოფილა, არამედ ეს . თავდასხმამდე სულ რამდენიმე დღით ადრე ციხის ზედამხედველმა ბაჩიაშვილს წინასწარი გააფრთხილა, რომ მას ციხეში როგორიყო ბიძინა ივანიშვილის მიერ ორგანიზებული პოლიტიკურად მოტივირებული კამპანიის უახლესი ესკალაცია იმ ადამიანის წინააღმდეგ, რომელიც რეჟიმის ფაქტობრივი ლიდერისთვის დაუმორჩილებლობისთვის იყო დაპატიმრებულიც "გიჟები", ასევე "ნაკლებად გიჟები" დახვდებოდა.

ეს იყო მკაფიო წამება, რომელიც სახელმწიფო ზედამხედველობის ქვეშ განხორციელდა. საქართველოს ხელისუფლება თანამონაწილეა და ჩვენ ამ მძიმე ინციდენტს საერთაშორისო ორგანოებს ვაცნობებთ," — განაცხადა რობერტ ამსტერდამმა.

14 ივლისს გავრცელდა ინფორმაცია, რომ თანაინვესტირების ფონდის ყოფილი ხელმძღვანელი გიორგი ბაჩიაშვილი გლდანის ციხეში სცემეს.

NEWS.On.ge-ს თავდაპირველად ბაჩიაშვილის ადვოკატმა, დავით ჯანდიერმა დაუდასტურა, რომ ის ნაცემი იყო. როგორც მან განგვიცხადა, ბაჩიაშვილი ციხის სამკურნალო დაწესებულებაში იყო მოთავსებული. კლინიკა "ვივამედის" კლინიკური დირექტორის, ზურაბ ჩხაიძის განცხადებით, ბაჩიაშვილი პარასკევს, 11 ივლისს, კლინიკაში სხეულის სხვადასხვა დაზიანებით შეიყვანეს. მისი თქმით, ბაჩიაშვილს ასევე აღენიშნებოდა ღია ჭრილობები თავის არეში. ჩხაიძის ცნობით, ბაჩიაშვილი კლინიკაში გადაყვანიდან რამდენიმე საათში უკან, ციხეში დააბრუნეს.

თანაინვესტირების ფონდის ყოფილი ხელმძღვანელი წერილში წერს, რომ 8 ივლისს მე-8 დაწესებულების ხელმძღვანელმა, დავით გოგობერიშვილმა მოინახულა და ურჩია, რომ "ივანიშვილისთვის მთელი მისი საბანკო ანგარიშები, კრიპტოვალუტების ბრუნვები და ანგარიშის მისამართები გაეხსნა". მას შემდეგ რაც ბაჩიაშვილისგან უარი მიიღო, დაემუქრა. 11 ივლისს კი ის საკანში უცნობმა პირმა სცემა.

ასევე იხილეთ:

• Amnesty international: "აუცილებელია [გიორგი ბაჩიაშვილის] განცხადებების დამოუკიდებელი გამოძიება"
• გიორგი ბაჩიაშვილის ადვოკატი: დამოუკიდებლად გადაადგილება უჭირს. ტვინის შერყევა და რამდენიმე ადგილზე ნაკერები აქვს
• სალომე ზურაბიშვილი: სწორედ ამ უსასტიკესი მოქმედებებისა და ციხეებში უსამართლო მოქცევის გამო დამთავრდა წინა რეჟიმი".
• "მთელი მართლმსაჯულების სისტემა პირადი შურისძიების ინსტრუმენტია ბიძინა ივანიშვილის ხელში" — "ფედერალისტები" გიორგი ბაჩიაშვილის ცემას ეხმაურებიან
• "იყო სხეულის დაზიანებები სხვადასხვა ადგილზე და ღია ჭრილობები თავის არეში" — ზურაბ ჩხაიძე ბაჩიაშვილზე
• უკიდურესად მნიშვნელოვანია, გამოძიების ფარგლებში დადგინდეს ძალადობასთან დაკავშირებული ყველა რელევანტური გარემოება — ლევან იოსელიანი ბაჩიაშვილის ცემის ფაქტზე
• პენიტენციური სამსახურის განცხადებით, ბაჩიაშვილის საკანში დაფიქსირდა მსჯავრდადებულთა შორის ინციდენტი, რის შედეგადაც "მას აღენიშნებოდა ზედაპირული დაზიანებები"
• "ჭიქა გადამაფშვნა", "გონება დავკარგე", "კედელზე მიმარტყმევინა თავი" — ბაჩიაშვილი ყვება როგორ დაემუქრნენ და გაუსწორდნენ ციხეში
• გლდანის ციხეში გიორგი ბაჩიაშვილს სცემეს — ის ციხის კლინიკაშია გადაყვანილი