"სრული პასუხისმგებლობით ვამბობ და თუ ეს არასწორია, დღესვე დავტოვებ თანამდებობას — არანაირი საკანონმდებლო ცვლილებები არ განხორციელებულა. 100%-იანი თანხმობის გარეშე მუნიციპალიტეტს არ აქვს არანაირი უფლება, ხალხი შენობიდან გამოიყვანოს," — ასე გამოეხმაურა თბილისის მერი კახა კალაძე გავრცელებულ ინფორმაციას, რომ საკრებულომ დადგენილებაში ცვლილება შეიტანა, რომლის მიხედვითაც ავარიული შენობების ჩანაცვლებას მესაკუთრეთა სრული თანხმობა არ სჭირდება.

"ტყუილია აღნიშნული ინფორმაცია. ჩემი თხოვნა იქნება, ნუ გაავრცელებთ
არასწორ, მცდარ და ტყუილ ინფორმაციას. კახა კალაძე, ქალაქის მერი სრული პასუხისმგებლობით გეუბნებით, რომ ამ ტიპის საკანონმდებლო ცვლილებები არ განხორციელებულა. აბსოლუტურად სხვა რამეზე საუბრობთ.

არ ვიცი, ვინ გააკეთა განცხადება და თქვენც იმეორებთ ამ მცდარ ინფორმაციას. სრული პასუხისმგებლობით ვამბობ და თუ ეს არასწორია, დღესვე დავტოვებ თანამდებობას — არანაირი საკანონმდებლო ცვლილებები არ განხორციელებულა. 100%-იანი თანხმობის გარეშე მუნიციპალიტეტს არ აქვს არანაირი უფლება, ხალხი შენობიდან გამოიყვანოს. ასეთი რაღაცები ხდებოდა 2012 წლამდე. გაიხსენეთ თაბუკაშვილის ქუჩის მაგალითი,
როდესაც სპეცრაზმის დახმარებით გამოყარეთ ხალხი," — თქვა კალაძემ.

გუშინ, 15 ივლისს, სადგურის მოედანზე საცხოვრებელი კორპუსის ფასადი ჩამოინგრა. აღნიშნულზე კომენტირებისას კალაძემ თქვა, რომ შენობის მცხოვრებლებს ნაწილმა უარი განაცხადა "ჩანაცვლების პროგრამაში" მონაწილეობაზე და ამის გამო ვერ აიცილეს ტრაგედია თავიდან. თბილისის მერმა მომხდარს "უბედური შემთხვევა" უწოდა.

საცხოვრებელ კორპუსში ნგრევას ორი ადამიანი ემსხვერპლა, ხოლო დაშავდა ერთი, რომელიც სტაციონარში გადაიყვანეს.

ასევე იხილეთ: