სიყალბე იაკობ გოგებაშვილის მიმართ — ევროპული საქართველო დედაენის კანონპროექტს არ ეთანხმება
დედაენის სკოლებში დაბრუნების კანონპროექტის შინაარსს პარტია ევროპული საქართველო არ ეთანხმება და უმრავლესობას ალტერნატიულ წინადადებას სთავაზობს. ალტერნატივის ერთ-ერთი ავტორი სერგო რატიანი მიიჩნევს, რომ მარიამ ჯაშისა და ზაზა გაბუნიას მიერ შემუშავებული კანონპროექტის სულისკვეთება საბჭოთა კავშირის იდენტურია და უმრავლესობას აბსურდულ მდგომარეობაში აგდებს.
ევროპული საქართველოს ალტერნატიული წინადადებით, განათლების სამინისტროს ბაზაზე შექმნილმა სახელმწიფო კომისიას უნდა დაადგინოს შესაბამისობა შექმნილ სახელმძღვანელოებსა და იაკობ გოგებაშვილის დედაენას შორის და არა, თავად შექმნას დედაენის ერთადერთი და უნიკალური ვერსია.
"21 საუკუნეში იქმნება სახელმწიფო კომისია, რომელმაც უნდა შეადგინოს იაკობ გოგებაშვილის წიგნის ბოლო რედაქცია და ეს იქნება ერთადერთი, რომელსაც დაეწერება დედაენა. დაახლოებით ეს არის ისეთივე ცნობიერება და სულისკვეთება, როცა საბჭოთა კავშირში არსებობდა, მარქსი, მარქსის შრომები და შემდეგში ლენინის ერთადერთი ინტერპრეტაცია. ეს არის სამწუხარო და ფრიად შეუფერებელი თანამედროვე ცნობიერებისთვის, მეცნიერებისთვის", — განაცხადა სერგო რატიანმა.
სერგო რატიანის თქმით, პრინციპულად შეუძლებელია, რომ ერთი რედაქცია იყოს ჭეშმარიტება.
" მაგალითად, სიტყვა თ-ზე ერთმა რომ მოიტანოს თათი და მეორემ თითი, ერთს ანიჭებთ უპირატესობას და მეორეს არა? რა ლოგიკაა", — განმარტა რატიანმა ალტერნატიული წინადადების წარდგენისას.
სერგო რატიანის მიერ წარდგენილ ალტერნატიულ წინადადებას კანონპროექტის ავტორი დეპუტატი მარიამ ჯაში გამოეხმაურა. მისი განცხადებით, დღეს ძალიან რთულია ვინმეს ჰქონდეს პრეტენზია, რომ იაკობ გოგებაშვილის პედაგოგიური მეთოდის განახლებას თვითნებურად მოახდენს.
"მუდმივი განახლება ეს არის პრინციპი, რომელიც არის ყველასთვის საპატივცემულო და მისასალმებელი, თუმცა აქვე არის დათქმა, რომ ნებისმიერი ცვლილება უნდა განხორციელდეს წერა-კითხვის საზოგადოების გამგეობის წევრთა უმრავლესობის ჩართულობით დ არა კონკრეტული ავტორებისა და პედაგოგების მხრიდან", — განაცხადა მარიამ ჯაშმა.
მისი თქმით, კანონპროექტის მეორე მოსმენის შემდეგ გამომცემლებმა დააფიქსირეს საკუთარი პოზიცია და ამის გამო, კანონპროექტს დაემატა ჩანაწერი, რომლის მიხედვითაც, სახელმწიფო კომისია შეიმუშავეს დედაენის უახლეს ვერსიას და ასევე განიხილავს ალტერნატიულ წინადადებებსაც.
სერგო რატიანმა დამატებით გამოსვლაში თქვა, რომ იაკობ გოგებაშვილის დედაენა ერთადერთია, თუმცა მეთოდი აგრძელებს სიცოცხლეს.
"როგორ შეიძლება ვინმეს ჰქონდეს პრეტენზია, გარდა საბჭოთა ადამიანისა, რომ რასაც შექმნის, ის იქნება ერთადერთი რედაქცია. ეს არის სიყალბე, რომელსაც ჩვენ ჩავდივართ იაკობ გოგებაშვილის მიმართ", — განაცხადა სერგო რატიანმა.
მისი თქმით, გაუგებარია რატომ უნდა დაეწეროს კომისიის მიერ შემუშავებულ რედაქციას დედაენა და სხვას "გოგებაშვილის მიხედვით".
"ეს იმიტომ უნდა დაეწეროს, რომ ის არ არის სახელმწიფო კომისია? ეს არის ლენინიზმი და მონოპოლიზება რაღაცის. ეს არის ის, რომ კრიმანჭული მხოლოდ ასე უნდა ვიმღეროთ, ან ვთქვათ, რომ ბახი უნდა შესრულდეს ასე და სხვანაირად არა. ასეთი ცნობიერებით 21-ე საუკუნეში როგორ შეიძლება ვიყოთ? და რატომ ვაკეთებთ ამას? იმიტომ რომ ვთქვათ, ჩვენმა ხელისუფლებამ გააკეთა დედაენა. სიყალბეა, რომ ჩვენ ვაბრუნებთ დედაენას, რადგან მანამდეც იყვნენ ადამიანები, რომლებიც დედაენას თქვენამდე აკეთებდნენ და გააკეთებენ კიდეც", — განაცხადა სერგო რატიანმა.
დეპუტატმა გააკრიტიკა კანონპროექტის ერთ-ერთი ავტორი ზაზა გაბუნიაც, რომელმაც ინიციატივის ტრიბუნიდან წარდგენის შემდეგ პლენარული სესია დატოვა.
მარიამ ჯაშმა სერგო რატიანს ერთი წინადადებით უპასუხა: "გოგებაშვილის მემკვიდრეობის პატივისცემას მარტო თქვენ შეიძლება მისცეთ მარქსის-ლენინიზმის შეფასება".
მისივე განცხადებით, ევროპული საქართველო წინ უსწრებს ნებისმიერ გადაწყვეტილებას, რომელიც შეიძლება უკავშირდებოდეს გრიფირების პროცესს და ალტერნატიული სახელმძღვანელოს შემუშავების შესაძლებლობას.
რას გულისხმობს კანონპროექტი
ქართული ოცნების დეპუტატების, მარიამ ჯაშისა და ზაზა გაბუნიას ინიციატივით, იაკობ გოგებაშვილის დედაენა ფორმალურ განათლებაში უნდა დაინერგოს და ბავშვებმა სწორედ ამ წიგნით ისწავლონ.
ამ მიზნით, დეპუტატები ზოგადი განათლების შესახებ საქართველოს კანონში ცვლილებას გეგმავენ, რომლის მიხედვითაც განათლების სამინისტრო შექმნის ექსპერტთა კომისიას. აღნიშნული კომისია, დედაენის, რომელსაც არამატერიალური ძეგლის სტატუსი აქვს მინიჭებული, გრიფირებაზე წარსადგენად მოამზადებს. დედაენის გრიფირება სპეციალური წესით მოხდება და არა ზოგადით.
პარლამენტში კანონპროექტის მოტივაციასაც განმარტავენ და ამბობენ, რომ საქართველო მიერთებულია არამატერიალური კულტურული მემკვიდრეობის დაცვის შესახებ საერთაშორისო კონვენციას. ეს კონვენცია არამატერიალური კულტურული მემკვიდრეობის ძეგლების არა მხოლოდ დაცვას არამედ პრაქტიკაში დანერგვასაც გულისხმობს.
კანონპროექტს დღეს, 3 აპრილის პლენარულ სხდომაზე მესამე მოსმენით უნდა უყარონ კენჭი.
-
გადახედვამეცნიერები უნივერსალურ ვაქცინაზე მუშაობენ, რომელიც ვირუსის ყველა შტამისგან დაგვიცავს მეცნიერები უნივერსალურ ვაქცინაზე მუშაობენ, რომელიც ვირუსის ყველა შტამისგან დაგვიცავს
-
გადახედვაშესაძლოა, დედამიწასთან ახლომდებარე ასტეროიდი მთვარის ფრაგმენტი იყოს შესაძლოა, დედამიწასთან ახლომდებარე ასტეროიდი მთვარის ფრაგმენტი იყოს
-
გადახედვაკანონის მიღების შემთხვევაში, ევროკავშირმა სანქციები უნდა დაუწესოს ყველა დეპუტატს, ვინც მის სასარგებლოდ მისცა ხმა — ევროპარლამენტში ინიციირებული რეზოლუცია კანონის მიღების შემთხვევაში, ევროკავშირმა სანქციები უნდა დაუწესოს ყველა დეპუტატს, ვინც მის სასარგებლოდ მისცა ხმა — ევროპარლამენტში ინიციირებული რეზოლუცია
-
გადახედვადააფიქსირეს, როგორ აფრქვევს გალაქტიკა სივრცეში 50 მილიონი მზის მასის მატერიას დააფიქსირეს, როგორ აფრქვევს გალაქტიკა სივრცეში 50 მილიონი მზის მასის მატერიას
-
გადახედვაკანის კინოფესტივალზე Studio Ghibli-ს საპატიო ოქროს პალმის რტო გადაეცემა კანის კინოფესტივალზე Studio Ghibli-ს საპატიო ოქროს პალმის რტო გადაეცემა
-
გადახედვაუცხოური დაფინანსებით, ქვეშეთის სოფელ კობთან დამაკავშირებელი 9 კმ-იანი გვირაბის გაჭრა დასრულდა უცხოური დაფინანსებით, ქვეშეთის სოფელ კობთან დამაკავშირებელი 9 კმ-იანი გვირაბის გაჭრა დასრულდა
-
გადახედვამზის სისტემაში ერთით მეტი პლანეტა შეიძლება იყოს და ასტრონომებმა ამის ახალ მტკიცებულებას მიაგნეს მზის სისტემაში ერთით მეტი პლანეტა შეიძლება იყოს და ასტრონომებმა ამის ახალ მტკიცებულებას მიაგნეს
-
გადახედვაკიბოს დიაგნოსტირება სისხლის წვეთით? — ახალი მეთოდი პასუხს რამდენიმე წუთში იძლევა კიბოს დიაგნოსტირება სისხლის წვეთით? — ახალი მეთოდი პასუხს რამდენიმე წუთში იძლევა
-
-
გადახედვაკობახიძე: ძალიან მნიშვნელოვანია სპორტის მხარდაჭერა, მადლობა ამისთვის ქართუს და პირადად ბატონ ბიძინა ივანიშვილს კობახიძე: ძალიან მნიშვნელოვანია სპორტის მხარდაჭერა, მადლობა ამისთვის ქართუს და პირადად ბატონ ბიძინა ივანიშვილს
-
-
გადახედვააქციის მშვიდობიან მონაწილეს, რომელზეც პოლიციამ იძალადა, სასამართლომ პატიმრობა შეუფარდა — SJC აქციის მშვიდობიან მონაწილეს, რომელზეც პოლიციამ იძალადა, სასამართლომ პატიმრობა შეუფარდა — SJC
-
-
-
-
გადახედვაგენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა გენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა
-
-
გადახედვაფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს ფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს
-
გადახედვამილიარდობით წლის შემდეგ პირველად, სიცოცხლის ორმა ფორმამ ერთი ორგანიზმი წარმოქმნა მილიარდობით წლის შემდეგ პირველად, სიცოცხლის ორმა ფორმამ ერთი ორგანიზმი წარმოქმნა
-
გადახედვაჟურნალისტის, ია სართანიას თავდასხმის ფაქტზე, მედიის ადვოკატირების კოალიცია გამოძიებას ითხოვს ჟურნალისტის, ია სართანიას თავდასხმის ფაქტზე, მედიის ადვოკატირების კოალიცია გამოძიებას ითხოვს
-
გადახედვავაშაძე: ივანიშვილმა და მისმა დაჯგუფებამ გადაწყვიტეს, საკუთარ მოქალაქეებს კონტრაქცია გაუმართოს, რას ითხოვთ, ევროკავშირში არ შევიდეთ? ვაშაძე: ივანიშვილმა და მისმა დაჯგუფებამ გადაწყვიტეს, საკუთარ მოქალაქეებს კონტრაქცია გაუმართოს, რას ითხოვთ, ევროკავშირში არ შევიდეთ?
კომენტარები