"სამწუხაროდ, ხდება ძალიან ურცხვი ტირაჟირება და სერიოზული ბოტების თუ სხვადასხვა ფეიკნიუსებით შემოტევა. ამიტომ ჩვენ ჩავთვალეთ, რომ ერთადერთი ადგილი შეიძლება ყოფილიყო პარლამენტი, სადაც ქართველ ხალხს, საზოგადოებას, დეპუტატებს მივცემდით იმ ობიექტურ ინფორმაციას, რომელიც ჩვენს ხელთ არის და რომელიც ამ ისტორიას ახლავს", — ეს განცხადება მამუკა ხაზარაძემ მას შედეგ გააკეთა, რაც კომიტეტის სხდომა, რომელზეც თიბისის საკითხზე უნდა ემსჯელათ, ამ საკითხზე მსჯელობის გარეშე დასრულდა.

ჯაფარიძემ აღნიშნა ისიც, რომ არ ეთანხმება ეროვნული ბანკის პრეზიდენტის მოსაზრებას ზიანის მიყენების შესახებ. მისი თქმით, რამე ზიანი თუ შეიძლებოდა მიყენებოდა თიბისი ბანკს უკვე მიადგა. მისივე თქმით, შეილახა ქვეყნის რეპუტაციაც. ხაზარაძემ აღნიშნა, რომ ორკესტირებული შეტევა გრძელდება და მათ იძულებით დატოვეს ბანკი. თუმცა, არც ამჯერად დაკონკრეტა, ვისგან ხორციელდება შეტევა. მან აღნიშნა, რომ ბანკი დაატოვებინეს, მაგრამ ღირსებას და სამართალს არ დათმობენ.

სამთავრობო ტროლები ხაზარაძისა და ჯაფარიძის წინააღმდეგ

მას შემდეგ, რაც ცნობილი გახდა, რომ პროკურატურა თიბისი ბანკის წინააღმდეგ საქმეს ფულის გათეთრების მუხლით იძიებდა ფეისბუქზე ხაზარაძისა და ბადრი ჯაფარიძის მადესკრიტიდირებელი პოსტები გამოჩნდა. ფეისბუქტროლები სხვადასხვა გვერდზე და ჯგუფებში ერთი და იმავე ფოტოებს პოსტავდნენ. არასამთვრობო ორგანზიაცია სამართლიანი არჩევნების კვლევის მიხედვით, ეს გვერდები წინასაარჩევნო პერიოდში ნაციონალური მოძრაობისა და გრიგოლ ვაშაძის დისკრედიტაციის მიზნით აქვეყნებდნენ პოსტებს.

ტროლები ხელახლა გააქტიურდნედ, მას შედეგ, რაც ცნობილი გახდა რომ ხაზარაძემ თანამდებობა დატოვა. მედიის განვითარების ფონდმა კვლევა ჩაატარა და დაასკვნა, რომ Facebook-გვერდებს, რომლებიც მამუკა ხაზარაძის დისკრედიტაციას ეწევა, სამთავრობო ტროლი, Avtandil Kereselidze მართავს. კვლევით დადგინდა, რომ აღნიშნული პირი სოციალურ ქსელში სომხეთის მოქალაქის ფოტოებს იყენებდა. ის მართავდა რამდენიმე ფეისბუქგვერდს, რომელიც სამთავრობო მესიჯებს ატარებს და ხაზარაძის გარდა ოპოზიციის დისკრედიტაციასაც ეწევა.

გაიგეთ მეტი: