თიბისი ბანკიდან მამუკა ხაზარაძისა და ბადრი ჯაფარიძის გადაყენებასთან დაკავშირებით ეროვნული ბანკის მოთხოვნის შემდეგ მამუკა ხაზარაძის დისკრედიტაციის მიზნით Facebook-ზე პოსტები ისევ გამოჩნდა. ეს ის გვერდებია, რომლებიც, ძირითადად, ხელისუფლების მიმართ კრიტიკულად განწყობილი პირების წინააღმდეგ ინფორმაციას ავრცელებენ.

გვერდებზე გამოქვეყნებულ პოსტებში მამუკა ხაზარაძე და ბადრი ჯაფარიძე ჩანან. პოსტის ავტორები წერენ, რომ ხაზარაძე "ყველაზე დიდი მევახშეა" და მას დანაშაული არ შერჩება.

ფოტო: პოლიტიკური სანაგვე / Facebook

ფოტო: ორი გვამი უნდათ / Facebook

ფოტო: იყავი და გაგეკეთებინა / Facebook

ეს პირველი შემთხვევა არ არის, როცა სოციალურ ქსელში მამუკა ხაზარაძის შესახებ, დისკრედიტაციის მიზნით, პოსტები გამოჩნდა. მსგავსი სახის პოსტები 2019 წლის იანვარში მას შემდეგაც გამოჩნდა, რაც ცნობილი გახდა, რომ თიბისი ბანკში 2008 წელს განხორციელებული ტრანზაქციის კანონიერების საკითხს პროკურატურა სწავლობდა.

ამ გვერდების ნაწილი არასამთავრობო ორგანიზაცია სამართლიანი არჩევნების (ISFED) ანგარიშში მოხვდა. კვლევის მიხედვით, ეს გვერდები წინასაარჩევნო პერიოდში ნაციონალური მოძრაობისა და გრიგოლ ვაშაძის დისკრედიტაციის მიზნით აქვეყნებდნენ პოსტებს.