აზარტული და მომგებიანი თამაშების რეკლამების გავრცელების აკრძალვით მედიასაშუალებები დაკარგავენ ერთ-ერთ უმსხვილეს კლიენტს. ასე გამოეხმაურა ბიზნესომბუდმსენი ირაკლი ლექვინაძე კანონპროექტს სათამაშო ბიზნესის რეკლამის აკრძალვის შესახებ.

ბიზნესომბუდსმენის განცხადებით, კანონპროექტის ამოქმედების შემთხვევაში მედიასაშუალებები ფინანსურად მნიშვნელოვნად დაზარალდებიან.

ბიზნესომბუდსმენი განმარტავს, რომ კანონპროექტში არის ისეთი საკითხები, რომლებზეც მხარეები ვერ შეთანხმდნენ. პრობლემურ საკითხებს შორის რჩება აბრების რეგლამენტის საკითხი.

ბიზნესომბუდსმენს მიაჩნია, რომ აღნიშნულ კანონპროექტზე მუშაობის პროცესში შესაბამისი ბიზნესსექტორების წარმომადგენლები უნდა ჩაერთონ.