წამლის ეროვნული სააგენტოს შემდეგ საქართველოს ჯანდაცვის მინისტრმა, დავით სერგეენკომ მოქალაქეებს განუმარტა, რომ ვალსატანის შემცველი ყველა მედიკამენტის ამოღების გადაწყვეტილება არ მიღებულა. მისი თქმით, მოქალაქეებმა არ უნდა შეწყვიტონ მედიკამენტების მიღებდა და კონსულტაციები ექიმთან უნდა გაიარონ.

"მოსახლეობა, ვინც ღებულობს ვალსარტანის შემცველ მედიკამენტებს, ყველას უმორჩილესად ვთხოვ, რომ საკუთრივ დანიშნულება არ შეწყვიტოს, რახან სვამენ, მათ ეს სჭირდებათ, უბრალოდ ნახონ ჩამონათვალი, რომელ კონკრეტულ წამლებზე გაჩნდა კითხვა და ისინი ჩაანაცვლონ სხვა არა ამ სიაში მყოფი, იგივე დოზირების, იგივე ვალსარტანის შემცველი მედიკამენტით", - განაცხადა დავით სერგეენკომ.

კიბოს რისკის შემცველ ე.წ. წნევის წამლებზე მასალა On.ge-მ გუშინ, 16 აგვისტოს გაავრცელა. მასალაში აღნიშნული იყო, რომ საქართველოს სააფთიაქო ქსელებში კიბოს რისკის შემცველი კარდიოლოგიური მედიკამენტები, ე.წ. წნევის წამლები იყიდებოდა. მსგავსი საფრთხის შემცველი 11 დასახელების 42 სახეობის მედიკამენტის რეგისტრაციის შეჩერების ბრძანება სამედიცინო საქმიანობის სახელმწიფო რეგულირების სააგენტოს უფროსმა 13 აგვისტოს გამოსცა, თუმცა დღეს, 16 აგვისტოს მათი ნაწილი ისევ ხელმისაწვდომია.

საფრთხის შემცველი მედიკამენტების დასახელება

  • Valsar-Denk (40მგ; 80მგ; 160მგ; 320მგ);
  • CoValsar-Denk (80/12,5; 160/12,5; 320/12,5);
  • CARDOPAN-SANOVEL (80მგ; 160მგ; 320მგ);
  • CARDOPAN-SANOVEL PLUS (80/12,5; 160/12,5; 320/12,5);
  • Valz (40მგ; 80მგ; 160მგ);
  • Valz H (80მგ; 160მგ);
  • NORTIVAN® (80მგ; 160მგ);
  • Cardofix-Sanovel (5მგ/160მგ; 10მგ/160მგ);
  • Cardofix-Sanovel Plus (5მგ/160მგ/12,5მგ; 5მგ/160მგ/25მგ; 10მგ/160მგ/12,5მგ; 10მგ/160მგ/25მგ);
  • Amva Denk (5მგ/80მგ; 5მგ/160მგ; 10მგ/160მგ);
  • Amva + HCTDenk (mite 5მგ/160მგ/12,5მგ; 10მგ/160მგ/12,5მგ; forte 10მგ/160მგ/25მგ).

ამავე თემაზე: "წნევის წამლები", რომლებიც კიბოს რისკს ზრდიან, ქართულ აფთიაქებში იყიდება