2018 წლის უეფას სუპერთასის გამარჯვებული მადრიდის ატლეტიკო გახდა.

მატჩი, რომელშიც ერთმანეთს ჩემპიონთა ლიგისა და ევროპის ლიგის გამარჯვებულები ხვდებიან, მადრიდული გამოდგა.

გამარჯვებულის გამოსავლენად ძირითადი დრო საკმარისი არ აღმოჩნდა, რადგან 2:2 დასრულდა, თუმცა დამატებით ტაიმებში უპირატესობა ატლეტიკოს ფეხბურთელებმა მოიპოვეს და 4:2 გაიმარჯვეს.

ეს მათთვის სუპერთასის მესამე ტიტულია. პირველი ორი მათ 2010 და 2012 წელს მოიგეს.