კლიმატის ცვლილებასთან ერთად ატმოსფეროში და შესაბამისად მსოფლიოს ოკეანეებში ნახშირორჟანგის დონე იცვლება. ეს კი ოკეანეებში მჟავიანობის აწევას იწვევს.

ცნობილია, რომ თევზის უამრავი სახეობა მტაცებლებისგან თავის დაცვისთვის და საკვების მოპოვებისათვის სუნის შეგრძნებაზე ძლიერად არიან დამოკიდებულნი.

მეცნიერებმა შეადარეს თუ როგორ იქცეოდნენ აკვარიუმში მოთავსებული თევზები ნორმალური და გაზრდილი მჟავიანობის პირობებში და ნახეს, რომ მომატებული ნახშირორჟანგის დროს მათ ბევრად უფრო უჭირდათ მტაცებლის ამოცნობა და მისი თავიდან არიდება.

წარსულში კვლევებმა ასევე აჩვენა, რომ მომატებული ნახშირორჟანგის დონე მათი ცხვირების გარდა ნერვულ სისტემას და ტვინსაც აზიანებს.

"ჯერ-ჯერობით არ არის ცნობილი ასეთ პირობებში, როდესაც ოკეანეების მჟავიანობა მუდმივად იმატებს მოახერხებენ თუ არა თევზები, რომ ამ პრობლემას როგორმე გვერდი აუარონ," - ამბობს ეკსეტერის უნივერსიტეტის პროფესორი როდ ვილსონი.