მალე ორი თვე გახდება, რაც წითელ პლანეტაზე ქვიშის ქარიშხალი მძვინვარებს. მარსზე შტორმი 30 მაისს დაიწყო და 20 ივლისს მან უკვე მთელი პლანეტა მოიცვა, თუმცა ქარიშხალს ჯერ არაფერი დაუშავებია ჩვენ მიერ გაგზავნილი რობოტისთვის. მან 15 ივნისს სელფიც კი გადაიღო, რომელშიც მის უკან ბურუსით მოცული მარსის ატმოსფერო ჩანს.

მარსზე ქარიშხლები ზოგჯერ იმდენად ძლიერია, რომ შეიძლება მზე დღეების განმავლობაში დაბნელდეს, რაც მზის ელემენტებით აღჭურვილი რობოტებისთვის საფრთხისშემცველია. Curiosity ენერგიას მზის ბატარიების ნაცვლად ბირთვული რეაქტორით იღებს, ამიტომ ის მზის სინათლეზე დამოკიდებული არ არის. ნასას მეორე რობოტი Opportunity კი ენერგიისთვის მზის სინათლეს საჭიროებს, ის ახლა მიძინებულ მდგომარეობაშია და გამოდარებას ელოდება.

ფოტო: NASA/JPL-Caltech/MSSS

მარსი ქარიშხლებისთვის იდეალური ადგილია. დედამიწისგან განსხვავებით, მასზე არც ხეები და არც ბუჩქებია, ამიტომ მარსზე ამოვარდნილ ქარიშხლები დიდხანს გრძელდება და ბევრად ძლიერია ხოლმე.