მწარე პოდკასტის (პოდკასტი ისტორიაზე, კულტურაზე, ცივილიზაციებზე — ბევრ საინტერესო თემაზე, მწარედ და ობიექტურად) ამ ეპიზოდში მოისმენთ, როგორ დახვდნენ სულხან-საბა ორბელიანს ევროპაში, ვინ დაეხმარა ელჩს მოგზაურობაში და რა მოთხოვნები ჰქონდა მას საფრანგეთის მეფესთან, როგორი იყო გვიანი შუა საუკუნეების საქართველოს (რომელიც უკვე სამთავროებად იყო დაშლილი) ევროპული პოლიტიკა — პოდკასტის სტუმარია ისტორიკოსი ბექა კვაჭაძე.

ისტორიკოსი ბექა კვაჭაძე აღნიშნავს, რომ სულხან-საბა ორბელიანის ელჩობის შესახებ საზოგადოებაში ხშირად ბუნდოვანი და სტერეოტიპული წარმოდგენები არსებობს, ისევე როგორც ზოგადად მე-15—მე-17 საუკუნეების საქართველოს ისტორიაზე.

— აღნიშნავენ ისტორიკოსები და მიუთითებენ მუხრან მაჭავარიანის ლექსზე საბა, რომელშიც აღწერილია, როგორ ალოდინეს სულხან-საბა ორბელიანი საფრანგეთის მეფესთან და ზოგადად, საკმაოდ უარყოფითად არის გადმოცემული ეს ვიზიტი.

ამას გარდა, არსებობს მოსაზრება, თითქოს ზოგადად ქართველ მეფეებს არ ჰქონდათ შესაბამისი წარმოდგენა ევროპული პოლიტიკის შესახებ და მათ ხშირად წერდნენ არარეალისტურ მოთხოვნებს, რასაც ევროპელი მონარქები ყურადღებას არ აქცევდნენ, თითქოს "ევროპას ჩვენთვის არ ეცალა".

თუმცა, ისტორიული წყაროები გვიჩვენებს, რომ ქართველმა მეფეებმა სწორად იცოდნენ, ვისთვის და რა უნდა მიეწერათ. მათ საკმაოდ რეალისტური მიზნები ჰქონდათ და კარგად ერკვეოდნენ საერთაშორისო ვითარებაში.

მაგალითად, ვახტანგ VI და სულხან-საბა ორბელიანი საფრანგეთს არ სთხოვდნენ ირანთან ომს — მათ იცოდნენ, რომ იმ დროისთვის საფრანგეთი ირანის მოკავშირე იყო და ასეთ თხოვნას აზრი არ ჰქონდა.

სულხან-საბა ორბელიანის მისიას რამდენიმე მთავარი მიზანი ჰქონდა, ის:

• საფრანგეთის მეფეს სთხოვდა, როგორც ირანის შაჰის მოკავშირეს, გავლენა მოეხდინა მასზე და ვახტანგ VI ტყვეობიდან გაეთავისუფლებინა;
• ცდილობდა, რომ საფრანგეთსა და ირანს შორის არსებული სავაჭრო გზებს საქართველოზე გაევლო და ქვეყანა სატრანზიტო ზონად ქცეულიყო;
• ითხოვდა დასავლეთ და აღმოსავლეთ საქართველოში ფრანგი იეზუიტი მისიონერების გამოგზავნას. (იმ დროს საქართველოში უკვე არსებობდა იტალიელი კაპუცინების მისიონი, თუმცა ფრანგი მისიონერები მათგან განსხვავებით, ვაჭრობაშიც აქტიურად იყვნენ ჩართული).

აღსანიშნავია, რომ სულხან-საბა ორბელიანის (ვახტანგ VI-ის) მოთხოვნები სრულ თანხვედრაში იყო საფრანგეთის მაშინდელ პოლიტიკურ ინტერესებთან. როგორ შეხვდნენ სულხან-საბას პარიზსა და რომში, რა შედეგი გამოიღო მისმა ვიზიტმა — ამის შესახებ დეტალურად მოისმენთ მწარე პოდკასტში:

მწარე პოდკასტი არის ისტორიკოს ნიკა ხოფერიას მიერ დაარსებული პოდკასტი, რომელიც მიმოიხილავს ისტორიას, კულტურას და ცივილიზაციებს. სხვადასხვა დარგის ექსპერტებთან და მკვლევარებთან ერთად, წყაროებზე დაყრდნობით გვიყვება ისტორიის "მწარე" სიმართლეს, რომელიც ხშირად არასწორად, ან საერთოდ არ ვიცით.