სეულში, ხუთშაბათს, სასამართლომ, სამხედრო მდგომარეობის გამოცხადების წარუმატებელი მცდელობის საქმეზე, სამხრეთ კორეის ყოფილი პრეზიდენტის, იუნ სუკ იოლის, დაპატიმრების ორდერი გასცა. ეს მისი მეორე დაკავებაა ამავე საქმესთან დაკავშირებით.

სეულის ცენტრალური რაიონული სასამართლოს მოსამართლემ ნამ სე-ჯინმა სპეციალური პროკურორის, ჩო იუნ-სოკის, მოთხოვნა, მტკიცებულებების განადგურების რისკზე დაყრდნობით დააკმაყოფილა. ბრალდებებს შორისაა მინისტრთა კაბინეტის წევრთა უფლებების დარღვევა (მათ გარეშე ჩატარებული მნიშვნელოვანი შეხვედრა დეკემბერში სამხედრო მდგომარეობის გამოცხადებასთან დაკავშირებით).

ყოფილ პრეზიდენტს, ასევე, ბრალი ედება მოგვიანებით ყალბი სამხედრო მდგომარეობის დოკუმენტის შექმნა, რომელსაც ხელი მაშინდელმა პრემიერმინისტრმა, ჰან დუკ-სუმ და თავდაცვის მინისტრმა კიმ იონ-ჰიონმა მოაწერეს, რის შემდეგაც დოკუმენტი პრეზიდენტმა გაანადგურა.

დანარჩენ ბრალდებებს შორისაა: ყალბი განცხადებების უცხოურ პრესასთან გავრცელების განკარგულება, უსაფრთხოების სამსახურისთვის მისი დაპატიმრებისგან დაცვის მითითება, და სამი სამხედრო ლიდერის კოდირებული სატელეფონო ზარების ჩანაწერების წაშლის ბრძანება.

ყოფილმა პრეზიდენტმა და მისმა ადვოკატებმა სასამართლო მოსმენისას ყველა ბრალდება უარყვეს. სხდომის შემდეგ ის სეულის დაპატიმრების ცენტრში, ქალაქ უვანში გადაიყვანეს.

იუნ სუკ იოლი პირველად იანვარში დააკავეს, როდესაც ჯერ კიდევ თანამდებობაზე იყო, თუმცა მარტში სასამართლომ მისი გათავისუფლება მოითხოვა.