როგორი იქნებოდა თბილისის სხვადასხვა შენობა, ანტონი გაუდის რომ აეშენებინა?

როგორი სახე შეიძლება მიეღო თბილისს, ცნობილ კატალონიელ არქიტექტორს, ანტონი გაუდის რომ ქალაქის საკულტო შენობები დაეპროექტებინა? ამ კითხვაზე პასუხის გაცემას მდიდარი წარმოსახვა და არქიტექტურული ხედვა სჭირდება, ამიტომ ქალაქის სხვადასხვა ღირსშესანიშნაობის გაუდის სტილში "დაპროექტება" ხელოვნურ ინტელექტს ვთხოვეთ.

გაუდის სტილი ცნობილია ორგანული ფორმებით, ბუნებაზე მორგებული, ფერადი მოზაიკების, მოქნილი ხაზებისა და რთული დეტალებით აღსავსე კონსტრუქციებით. მისი ინტერპრეტაციით თბილისური ტაძრები ან ზღაპრულ ქვიშის სასახლეებს დაემსგავსებოდა, ან ბუნებაში ამოზრდილ ქანდაკებებს. მშვიდობის ხიდი არტ-ნუვოს, გოთიკისა და მოდერნიზმის სინთეზში მოექცეოდა...

ამგვარი ექსპერიმენტული ფიქრები მხოლოდ არქიტექტურის ისტორიაზე კი არა, თბილისურ იდენტობაზეც გვაფიქრებს. როგორი იქნებოდა თბილისი, ექსტრავაგანტული ფერადოვნებით, ფანტაზიითა და ბუნებასთან ჰარმონიით რომ ყოფილიყო გაჯერებული?