დიდი შანსია, რომ თქვენ არასდროს დაინტერესებულხართ იმით, თუ რამდენი ქათამი არსებობს მსოფლიოში, თუმცა გვიანი არც ახლაა.

გაურკვეველი მიზეზების გამო ამ საკითხზე საკმარისი მონაცემების მოგროვება რთულია. როგორც ჩანს, მეცნიერები სხვა უფრო მნიშვნელოვანი საკითხებით არიან დაკავებულნი, თუმცა გარკვეული კვლევები მაინც არსებობს. გაეროს სურსათისა და სოფლის მეურნეობის ორგანიზაციის მონაცემებით 2016 წელს მსოფლიოში 65 მილიარდი ქათამი დააბიჯებდა. შედარებისთვის, ყველაზე გავრცელებული ველური ფრინველი მოგზაური მტრედი იყო, რომლის რაოდენობაც 5 მილიარდს აღწევდა, თუმცა ის დღეს გადაშენებულია.

ქათმების რაოდენობა ელვის სისწრაფით იზრდება. 55 წლის წინ მსოფლიოში მხოლოდ 7,5 მილიარდი ქათამი იყო. ყველაზე საინტერესო მათი ადამიანთა პოპულაციასთან შედარებაა. 1961 წელს მსოფლიოში 3 მილიარდი ადამიანი იყო, 2016 წელს კი თითქმის 7,5 მილიარდი. ეს ნიშნავს, რომ 1961 წელს ერთ ადამიანზე 0.0024 ქათამი მოდიოდა, ან სხვა სიტყვებით რომ ვთქვათ, ოთხას ადამიანზე ერთი ქათამი, ხოლო 2016 წელს კი, ერთ ადამიანზე თითქმის ცხრა ქათამი მოდის.

ბევრი უკვე იმაზეც ფიქრობს, თუ რა გავლენა ექნება ამ ფაქტს დედამიწის ქერქზე. The Guardian-ის სტატიის მიხედვით, მომავალი ათასწლეულების განმავლობაში ანთროპოცენის ანუ დედამიწის ახლანდელი ეპოქის ლანდშაფტის ერთ-ერთი მთავარი მახასიათებელი ქერქის ამ ფენებში მიმოფანტული შინაური ქათმის ნამარხები იქნება.

რთული სათქმელია, როგორი იქნება დედამიწა მომავალში, მაგრამ ამ ტემპებს თუ გავითვალისწინებთ, წლიდან წლამდე კიდევ უფრო მეტი ქათმის არსებობას უნდა ველოდოთ.