21-ის ნაცვლად პროკურორის პოსტისთვის კონკურსს 18 ადამიანი აგრძელებს. საპროკურორო საბჭოს მიერ გამოქვეყნებული სიის მიხედვით, საკუთარი კანდიდატურები მოხსნეს მარიამ ცაცანაშვილმა, გიორგი შაშიაშვილმა და ლენა კაპანაძემ.

On.ge გთავაზობთ კანდიდატთა საბოლოო სიას:

  1. პაატა შავაძე - საქართველოს ანტიკორუფციული პალატის თავმჯდომარე;
  2. ზურაბ ჯორბენაძე;
  3. გია ბერძენიძე - ძალოვან ვეტერანთა და პატრიოტთა პოლიტიკური მოძრაობის თავმჯდომარე;
  4. ნანა რევაზიშვილი - ადვოკატი;
  5. თამარ კერესელიძე;
  6. გრიგოლ გაგნიძე - მთავარი პროკურორის მაოდგილე;
  7. იოსებ ბაჩიაშვილი;
  8. ჯემალ გახოკიძე - საქართველოს ტექნიკური უნივერსიტეტის პროფესორი;
  9. შალვა თადუმაძე - მთავრობის ადმინისტრაციის უფროსი;
  10. ედიშერ ფუტკარაძე - პროფესორი საქართველოს სხვადასხვა უმაღლეს სასწავლებელში;
  11. ნინო გოგნიაშვილი - პროფესორი საქართველოს სხვადასხვა უმაღლეს სასწავლებელში;
  12. ირაკლი ნადარეიშვილი;
  13. შალვა შავგულიძე - პარტია თავისუფალი დემოკრატების თავმჯდომარე;
  14. ნონა ფილაური;
  15. ალექსანდრე კობაიძე;
  16. კოტე ჭილაია;
  17. ლევან ძნელაძე;
  18. თეიმურაზ ონიანი.

მთავარი პროკურორის კანდიდატურის შესარჩევად ეთთგვიანი საჯარო კონსულტაციები დასრულდა. კონსულტაციების შედეგად იუსტიციის მინისტრი საპროკურორო საბჭოს დასამტკიცებლად არანაკლებ 3 კანდიდატს წარუდგენს, რომელთა ერთი მესამედი მაინც განსხვავებული სქესის უნდა იყოს. საბჭო კანდიდატებს კეჭს უყრის, რის შემდეგაც მთავრობამ შერჩეულკანდიდატი უნდა დაამტკიცოს.

მთავარი პროკურორის პოსტი მას შემდეგ გახდა ვაკანტური, რაც ირაკლი შოთაძე გადადგა. შოთაძის გადადგომის მიზეზი ხორავას ქუჩის საქმეზე გამოცხადებული განაჩენი იყო, რომლის მიხედვითაც სასამართლომ ერთი ბრალდებული სარალიძის ნაწილში გაამართლა, ხოლო მეორეს განზრახ მკვლელობა მკველობის მცდელობად გადაუკვალიფიცირა.