ბელორუსის შინაგან საქმეთა სამინისტროს ინფორმაციით, დღეს ბელორუსებს 60 000 ჭკვიანი ვიდეო სათვალთვალო კამერა აკონტროლებს. ბოლო 5 წელიწადში, 2019 წლიდან, მათი რიცხვი 600-ჯერ გაიზარდა.

ჭკვიანი კამერები ბელორუსში 2019-2024 წლებში

devby.io-ს ცნობით, ბელორუსში საზოგადოებრივი უსაფრთხოების მონიტორინგის რესპუბლიკური სისტემა (RPMSMS) 2017 წელს ამოქმედდა. 2018 წელს RSMB-ის ტექნიკური ოპერატორის შესარჩევ კონკურსში Synesis-ის შვილობილმა კომპანია 24×7 Panoptes-მა გაიმარჯვა. SMB ფუნქციონირებდა Kipod-ის ჭკვიანი ვიდეო თვალთვალის ღრუბლოვანი პლატფორმის საფუძველზე, რომელიც საშუალებას იძლევა, რომ ამოიცნონ სათვალთვალო კამერებზე გადაღებული ადამიანების სახეები.

როგორ გაიზარდა ჭკვიანი კამერების რაოდენობა ბელორუსში ბოლო 5 წელიწადში

როგორ გაიზარდა ჭკვიანი კამერების რაოდენობა ბელორუსში ბოლო 5 წელიწადში

ფოტო: Get the dataCreated with Datawrapper

2019 წლის ბოლოსთვის Kipod-თან დაკავშირებული იყო 100-ზე ნაკლები ჭკვიანი კამერა. 2020 წლის ბოლოსთვის მათი რიცხვი 700-მდე გაიზარდა, აქედან 515 მეტროში განთავსდა.

Synesis-ს და Kipod-ს ბრალი 2020 წლის არჩევნების შემდეგ მომიტინგეების ჯაშუშობაში და უსაფრთხოების ძალებისთვის მონაცემების გაჟონვაში დასდეს. კომპანიამ ბრალდება უარყო. მოგვიანებით Synesis-ს ევროკავშირმა და აშშ-მ სანქციები დაუწესა.

2022 წლის თებერვალში RSMB ოპერატორი Synesis "ბელტელეკომმა" შეცვალა.

2023 წლის გაზაფხულზე მხოლოდ მინსკში 6 000 კამერა დამონტაჟდა.

ერთი წლის შემდეგ, მთელ ბელორუსში უკვე 35 00 ჭკვიანი კამერა იყო.

2024 წლის გაზაფხულის დასაწყისიდან ჭკვიანი კამერების რაოდენობა რომლებიც ბელარუსელების მონიტორინგს ეწეოდნენ 1,7-ჯერ — 60 000-მდე გაიზარდა. როგორც ბელორუსის შინაგან საქმეთა სამინისტროში აცხადებენ, "კამერებს შეუძლიათ ადამიანის თვალყურის დევნება, სახეების ამოცნობა და სანომრე ნიშნების წაკითხვა".

როგორც Synesis-ის თანადამფუძნებელმა ალექსანდრე შატროვმა 2019 წელს განაცხადა, ისინი ბელორუსში, 5 წელიწადში, 360 000 კამერის დამონტაჟებას გეგმავდნენ.