კონტრაქციის ერთ-ერთი ორგანიზატორი, გიორგი გაბედავა დააკავეს. როგორც On.ge-ს ჟურნალისტი ადგილიდან იუწყება, ის პოლიციას წინააღმდეგობას უწევდა.

როგორც შსს-მ On.ge-ს უთხრა გაბედავა ადმინისტრაციული წესით დააკავეს. მისი დაკავების შემდეგ პოლიციამ აქციის მონაწილეები ალექსანდროვის ბაღში ჩაიყვანეს.

კონტრაქციის მონაწილეებმა ქაშუეთის ეკლესიასთან სანთლები დაანთეს. რამდენიმე მეტრში თეთრი ხმაურის მოძრაობის აქცია - "ჩვენი თავისუფლებისთვის" საპროტესტო ცეკვის ფონზე გრძელდება. კონტრაქციის წევრებს სურთ რომ 9 აპრილის მემორიალთან გადავიდნენ, თუმცა პოლიციის კორდონი მათ ამის საშუალებას არ აძლევს.

კონტრაქციის მართავენ ულტრა-ნაციონალისტური ჯგუფები, მათ შორისაა გიორგი გაბედავა. ცოტა ხნის წინ ისინი პოლიციამ ჭანტურიას ქუჩაზე შეაჩერა და რუსთაველის გამზირზე ასვლის საშუალება არ მისცა, თუმცა პარკის მეორე მხრიდან, მსვლელობით ქაშუეთის ეკლესიისკენ ამოვიდნენ.