გორის რაიონში, საოკუპაციო ხაზთან მდებარე სოფელ დიცში, განსაკუთრებულ დავალებათა დეპარტამენტის თანამშრომელი ცეცხლსასროლი იარაღით მიყენებული ჭრილობის შედეგად გარდაიცვალა.

შინაგან საქმეთა სამინისტროში On.ge-ს უთხრეს, რომ გარდაცვლილია პოლიციის კაპიტანი. გამოძიების პირველადი ინფორმაციით, მან სამსახურეობრივი ცეცხლსასროლი იარაღიდან მიიყენა თვითდაზიანება.

მიყენებული დაზიანებების შედეგად ის საავადმყოფოში მიყვანამდე გარდაიცვალა. საქმეზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.