სომხეთის ახლადარჩეულ პრემიერ-მინისტრ სერჟ სარგსიანსა და ოპოზიციის ლიდერ ნიკოლ პაშინიანს შორის რამდენიმეწუთიანი შეხვედრა, სარგსიანმა პროტესტის ნიშნად დატოვა.

სარგსიანის და პაშინიანის შეხვედრა პირდაპირ ეთერში შუქდებოდა, რაზეც სარგსიანმა აღნიშნა, რომ ამ სიტუაციაში დიალოგი ვერ წარმოედგინა. პასუხად პაშინიანმა განუმარტა, რომ ისინი არა დიალოგისთვის, არამედ მისი გადადგომის და ხელისუფლების მშვიდად გადაცემის განსახილველად შეიკრიბენ.

"ეს არ არის მოლაპარაკებები, ეს არ არ არის იდალოგი, უბრალოდ ულტიმატუმი და შანტაჟია კანონიერი ხელისუფლების მიმართ", - განაცხადა სარგსიანმა.

პასუხად პაშინიანმა სარგსიანს უთხრა, რომ ის არ წარმოადგენდა სომხეთის რესპუბლიკის ხალხთა ინტერესებს და წარმოდგენაც კი არ ჰქონდა რა ხდებოდა ქვეყანაში, რადგანაც რესპუბლიკის მმართველობა ხალხის ხელში გადავიდა.

"ფრაქცია, რომელმაც 7-8% დააგროვა, ხალხის სახელით არ უნდა ლაპარაკობდეს", - უპასუხა სარგსიანმა. მან ასევე აღნიშნა, რომ აღარ აპირებდა საუბრის გაგრძელებას პაშინიანთან, თუკი ის ხელისუფლების კანონიერ მოთხოვნებს არ დაემორჩლებოდა. ამის შემდეგ სარგსიანმა შეხვედრა დატოვა.

მისი წასვლის შემდეგ, პაშინიანმა მოსახლეობას მიმართა: "თქვენ ხედავთ, რომ ბატონმა სარგსიანმა ადეკვატურობა დაკარგა და ვერ აკონტროლებს სიტუაციას. სამოქალაქო დაუმორჩლებლობის ხავერდოვანი რევოლუცია ორმაგი ძალებით უნდა განახლდეს."

მანიფესტაცია სომხეთში 13 აპრილს სარგსიანის მიერ როლის შეცვლის და პრეზიდენტიდან პრემიერ-მინისტრის პოსტზე გადასვლის გაპროტესტებით დაიწყო და სამოქალაქო დაუმორჩლებლობაში გადაიზარდა, როცა პარლამენტმა სარგსიანის კანდიდატურა დაამტკიცა.

აქციის მონაწილეებმა რამდენჯერმე გადაკეტეს ცენტრალური ქუჩები. პოლიციამ მათი დაშლა მავთულხლართებით, ცრემლსადენი გაზით და ხმოვანი ყუმაბრებით სცადა. ოპოზიციამ არაძალადობრივი ხავერდოვანი რევოლუცია გამოაცხადა. პროტესტანტები სარგსიანის გადადგომას მოითხოვენ.

გაიგეთ მეტი: