ერევანში, ოპოზიციის მომხრეების მიერ ორგანიზებულ სამოქალაქო დაუმორჩილებლობის აქციაზე სამართალდამცავებმა ცრემლსადენი გაზი, მავთულხლართები და ხმოვანი ყუმბარები გამოიყენეს.

რადიო თავისუფლების ადგილობრივი გამოცემის ინფორმაციით, მას შემდეგ რაც აქციის მონაწილეებმა ქუჩები გადაკეტეს, პოლიციასთან შეტაკება მოხდა. შეტაკებისას რამდენიმე მოქალაქე დაშავდა, მათ შორის, ოპოზიციის ლიდერი ნიკოლ პაშინიანი.

აქციის მონაწილეები სომხეთის პრემიერ-მინისტრის თანამდებობაზე ყოფილი პრეზიდენტის, სერჟ სარგსიანის კანდიდატურას აპროტესტებენ. პარლამენტში სარგსიანის კანდიდატურას 17 აპრილს უნდა უყარონ კენჭი.