სომხეთის დედაქალაქ ერევანის ცენტრში ათასობით ადამიანმა პროტესტის ნიშნად ქალაქის მთავარი ქუჩები გადაკეტა. ამის შესახებ ინფორმაციას რადიო თავისუფლების სომხეთის ბიურო ავრცელებს.

გამოცემის ცნობით, აქციის მონაწილეები მოქმედი პრეზიდენტის, სერჟ სარგსიანის მიერ მმართველობის გაგრძელების გეგმას აპროტესტებენ.

აქციის მთავარი ორგანიზატორი ნიკოლ პაშინიანი აცხადებს, რომ აქციის მონაწილეები გადაკეტავენ ყველა ქუჩას, რათა თავიდან აიცილონ სარგსიანის პრემიერ-მინისტრობა.

აქციის ლიდერმა ნიკოლ პაშინიანმა და ათასობით მხარდამჭერმა სომხეთის საზოგადოებრივი რადიოს შენობა დაიკავა და დაახლოებით, ერთი საათის განმავლობაში ტერიტორია ოკუპირებული ჰქონდა.

სომხეთის მმართველმა პარტიამ პრემიერ-მინისტრის პოსტზე საკუთარ კანდიდატად ექსპრეზიდენტი სერჟ სარგსიანი წარადგინა.

სერჟ სარგსიანს პრეზიდენტის პოსტზე უფლებამოსილების ვადა 9 აპრილს ამოეწურა. 9 აპრილსვე სომხეთის ახალი პრეზიდენტის, არმენ სარგსიანის ინაუგურაცია გაიმართა. 17 აპრილს სომხეთის პარლამენტი პრემიერ-მინისტრს აირჩევს.

სომხეთის ეროვნულმა კრებამ ქვეყნის პრეზიდენტად არმენ სარგსიანის არჩევას მხარი 2 მარტს დაუჭირა.

ოპოზიციის ლიდერი ნიკოლ პაშინიანი სარგსიანის წინააღმდეგ მასშტაბურ აქციებს აანონსებს.