სოციალურ ქსელ ფეისბუქში ფოტო გავრცელდა, სადაც სასაფლაოს გვერდით დამონტაჟებული ტრენაჟორებია ასახული. პირველადი ინფორმაციით, ფოტო ქუთაისში იყო გადაღებული.

On.ge ფაქტით დაინტერესდა და გაარკვია, რომ ფოტო არა ქუთაისში, არამედ თბილისშია გადაღებული. ტრენაჟორები ვაკის რაიონის გამგეობამ, საბურთალოს ძმათა სასაფლაოს გვერდით დაამონტაჟა.

ვაკის რაიონის გამგეობის საზოგადოებასთან ურთიერთობის სამსახურის მენეჯერის ანა კანაპლიოვას თქმით, ტრენაჟორები დევნილთა იმ 120 ოჯახისთვის დამონტაჟდა, რომელიც სასაფლაოს გვერდით მდებარე კორპუსში ცხოვრობს.

"ეს ფოტო პროვოკაციაა. შეგნებულად გადაიღეს მეზობელი კორპუსიდან და არ გამოაჩინეს ის კორპუსი, რომლის მაცხოვრებლების მოთხოვნითაც ტრენაჟორები დავამონტაჟეთ", - განუმარტა On.ge-ს ანა კანაპლიოვამ.