პარტია "საქართველოსთვის" ლიდერი გიორგი გახარია ეხმაურება ოცნების პარლამენტის უარს 2024 წლის ნოემბერ-დეკემბრის აქციების საქმეზე საგამოძიებო კომისიის შექმნის შესახებ. ის წერს, რომ "ქართულ ოცნებას საჯარო გამოძიების ეშინია, რადგან ეს გამოავლენს, ვინ გასცა ბრძანება მშვიდობიანი დემონსტრანტების წინააღმდეგ ქიმიური ნივთიერებების გამოყენებაზე, რაც დაადგენს როგორ გახდა შესაძლებელი 20 ივნისს რეზინის ტყვიების გამოყენების ავტორიზაცია მინისტრისა და მინისტრის მოადგილეების უფლებამოსილების გვერდის ავლით.

"როგორც მოსალოდნელი იყო, ქართულმა ოცნებამ დაბლოკა საქართველოსთვის ინიციატივა, შეექმნათ საპარლამენტო საგამოძიებო კომისია, რომელიც შეისწავლიდა მშვიდობიანი პროტესტების დაშლის დროს ტოქსიკური ქიმიური ნივთიერებების სავარაუდო გამოყენებას, BBC-ს რეპორტაჟზე დაყრდნობით.

ქართულ ოცნებას საჯარო გამოძიების ეშინია, რადგან ეს გამოავლენს, ვინ გასცა ბრძანება მშვიდობიანი დემონსტრანტების წინააღმდეგ ტოქსიკური ქიმიური ნივთიერებების გამოყენებაზე და გარდაუვლად გამოიწვევს იმის დადგენას, თუ როგორ გახდა შესაძლებელი 20 ივნისს რეზინის ტყვიების გამოყენების ავტორიზაცია მინისტრისა და მინისტრის მოადგილეების უფლებამოსილების გვერდის ავლით.

იმ პირობებში, როდესაც საქართველოს ხელისუფლება აცხადებს, რომ ოთხდღიანი "გამოძიების" შედეგებით კმაყოფილია, ხოლო ქართული ოცნება უარს ამბობს პარლამენტის მექანიზმების გამოყენებაზე სიმართლის გამჭვირვალედ დასადგენად, ფაქტების გამოვლენის ერთადერთი დარჩენილი გზა საერთაშორისო გამოძიებაა", — წერს გახარია.