ოცნების დანიშნული პრეზიდენტი მიხეილ ყაველაშვილი, მეუღლესთან, თამარ ბაგრატიონთან და თანმხლებ დელეგაციასთან ერთად, ოფიციალური ვიზიტით სერბეთის რესპუბლიკაში იმყოფება.

ოცნების დანიშნული პრეზიდენტის ადმინისტრაციის ცნობით, მიხეილ ყაველაშვილს სერბეთის პრეზიდენტი ალექსანდარ ვუჩიჩი უმასპინძლებს. გაიმართება პირისპირ და გაფართოებულ ფორმატის შეხვედრები, რის შემდეგაც მედიისთვის ერთობლივი განცხადება გაკეთდება. ყაველაშვილი უმაღლესი დონის შეხვედრებს გამართავს სერბეთის პრემიერმინისტრ ჯურო მატუცისთან და ეროვნული კრების თავმჯდომარე ანა ბრნაბიჩთან.

საქართველოს დელეგაციის შემადგენლობაში არიან: ოცნების ხელისუფლების საგარეო საქმეთა მინისტრი მაკა ბოჭორიშვილი, დეპუტატები — ირაკლი მეზურნიშვილი, ირმა ზავრადაშვილი, გურამ მაჭარაშვილი და სხვები.